தனிமையில் இருப்பதால் மரணம் கூட ஏற்படும்.. உலக சுகாதார அமைப்பு வெளியிட்ட ஷாக் தகவல்!

வாஷிங்டன்: தனிமையில் இருப்பது ஒருவரின் மனநிலமையை கடுமையாக பாதிப்பதோடு, அது உடல் நலனுக்கும் தீங்கு விளைவிக்கும் என்றும், இதனால் இதயநோய், பக்கவாதம், டிமென்ஷியா மற்றும் அகால மரணம் போன்ற ஆபத்துகளும் இருப்பதாக உலகசுகாதார அமைப்பு தெரிவித்துள்ளது.

அதிவேகமாக இயங்கிக் கொண்டு இருக்கும் இந்த உலகத்தில் இளம் தலைமுறையினர் பலரும் எதிர்கொள்ளும் பெரும் சவால் தனிமைதான். தனிமையில் இருப்பது ஒருவரின் மனநிலமையை கடுமையாக பாதிப்பதோடு, அது உடல் நலனுக்கும் தீங்கு விளைவிப்பது என்று பல்வேறு சுகாதார நிபுணர்களும் சொல்கிறார்கள். குடும்பத்தினர் அல்லது நண்பர்களிடம் இருந்து போதிய ஆதரவு கிடைக்காமல் போவது உள்ளிட்டவை ஒருவரை தனிமையாக உணரவைக்கும்.

தனிமைதான் உலளாவிய பெரும் சுகாதார பிரச்சினை என்று உலக சுகாதார அமைப்பு தெரிவித்துள்ளது. இது தொடர்பாக உலக சுகாதார அமைப்பு கூறுகையில், தனிமையாக உணர்வது ஒரு மனிதருக்கு மனச்சோர்வு, பதட்டம் மற்றும் தற்கொலை போன்ற மனநலப் பிரச்சனைகள் ஏற்படுத்துகின்றன. உடல் நலம் சார்ந்து என்றால் இதயநோய், பக்கவாதம், டிமென்ஷியா மற்றும் அகால மரணம் போன்ற ஆபத்துகள் காத்திருப்பதாக உலகசுகாதார அமைப்பு தெரிவித்துள்ளது.

வயது வித்தியாசம் இன்றி அனைத்து தரப்பினரையும் சமூகத்தில் எந்த அந்தஸ்தில் இருந்தாலும் அவர்களை இந்த தனிமை பிரச்சினை பாதிக்கிறது என்று உலக சுகாதார அமைப்பு கூறுகிறது. தனிமை சார்ந்த பிரச்சினையை கையாள்வது எப்படி என்பது குறித்தும் உலக சுகாதார அமைப்பு வரையறுத்துள்ளது. இது குறித்து உலக சுகாதார அமைப்பு கூறியிருப்பதாவது:-

சமூகத்தில் மிகவும் ஆக்டிவ் நபராக இருப்பதன் மூலம் புதியவர்களை சந்தித்து பேசும் வாய்ப்பு ஏற்படும். பாசிட்டிவ் ஆக நினைக்க வேண்டும். அதோடு, புறக்கணிப்பட்டாலும் அதை பற்றி கவலை இன்றி பாசிட்டிவ் ஆன விஷயங்களில் கவனம் செலுத்திவிட்டு செல்ல வேண்டும். உங்களைப் போல எண்ணம் கொண்டவர்கள் இடத்தில் நட்புறவை வலுப்படுத்திக் கொள்ள வேண்டும்.

நீங்கள் நம்பும் நபரிடம் அதிகம் பேச வேண்டும் என்பன உள்ளிட்ட சில தகவல்களையும் கூறியுள்ளது. மேலும் தனிமை மற்றும் அது சார்ந்த பிரச்சினைகளை தீர்க்க, நாடு தழுவிய அளவில் உக்திகளை உருவாக்கவும் செயல்படுத்தவும் தனது உறுப்பு நாடுகளுக்கு உலக சுகாதார அமைப்பு அறிவுறுத்தி இருக்கிறது.

English summary

Loneliness seriously affects a person's mental state and can harm physical health, leading to increased risk of heart disease, stroke, dementia and premature death, according to the World Health Organization.