ரெடியா? நேர்க்காணல் மட்டுமே.. மாதம் ரூ.43 ஆயிரம் சம்பளம்.. ஆவினில் காத்திருக்கும் வேலைவாய்ப்பு..

தமிழ்நாடு பால்வளத்துறை அமைச்சகத்தின் கட்டுப்பாட்டில் ஆவின் செயல்பட்டு வருகிறது.

சென்னை: தமிழ்நாட்டில் ஆவினில் காலியாக உள்ள பணியிடங்களை நிரப்புவதற்கான அறிவிப்பு வெளியாகி உள்ளது. நேர்க்காணல் முறையில் பணிக்கு ஆட்கள் தேர்வு செய்யப்பட உள்ளனர். தகுதி மற்றும் விருப்பம் உள்ளவர்கள் வரும் 24ம் தேதி நடக்கும் நேர்க்காணலில் நேரடியாக பங்கேற்கலாம். பணிக்கு தேர்வாகும் நபர்களுக்கு மாதம் ரூ.43 ஆயிரம் வரை சம்பளம் வழங்கப்பட உள்ளது.

தமிழ்நாடு பால்வளத்துறை அமைச்சகத்தின் கட்டுப்பாட்டில் ஆவின் செயல்பட்டு வருகிறது. ஆவினில் காலியாக உள்ள பணியிடங்கள் மாவட்ட வாரியாக அவ்வப்போது நிரப்பப்பட்டு வருகிறது.

அதன்படி தற்போது 2 மாவட்டங்களில் காலியாக உள்ள பணியிடங்களை நிரப்புவதற்கான புதிய அறிவிப்புகள் வெளியாகி உள்ளன. அதன் விபரம் வருமாறு:

ஆவினில் தஞ்சாவூர் மாவட்ட கூட்டுறவு பால் உற்பத்தி யூனியன் லிமிடெட், வேலூர் மாவட்ட கூட்டுறவு பால் உற்பத்தி யூனியன் லிமிடெட் ஆகியவற்றில் தலா 5 வெட்னரி கன்சல்டன்ட்(கால்நடை ஆலோசகர்) பணிகள் காலியாக உள்ளன. அதன்படி 2 மாவட்டங்களிலும் மொத்தம் 10 பணியிடங்கள் நிரப்பப்பட உள்ளது.

பணிக்கு தேர்வாகும் நபர்களுக்கு மாத சம்பளமாக ரூ.30 ஆயிரம் வழங்கப்பட உள்ளது. மேலும் Propulsion charges ஆக ரூ.8 ஆயிரம், Indiviual Incentive ஆக ரூ.5 ஆயிரம் வழங்கப்பட உள்ளது. இதன்மூலம் மாதம் ரூ.43 ஆயிரம் சம்பளமாக கிடைக்கும். இருப்பினும் இது ஒரு ஒப்பந்த அடிப்படையிலான பணியாகும்.

இந்த பணிக்கு விண்ணப்பம் செய்ய விரும்புவோர் இளங்கலை வெட்னரி சயின்ஸ் & அனிமல் ஹஸ்பன்ட்ரி படிப்பை (B.V.Sc.,& A) முடித்திருப்பதோடு, கம்யூட்டர் அறிவு பெற்றிருக்க வேண்டும். மேலும் டூவீலர் ஓட்ட தெரிந்து லைசென்ஸ் வைத்திருக்க வேண்டும்.

விருப்பம் மற்றும் தகுதி உள்ளவர்கள் நேரடியாக வரும் 24ம் தேதி நடக்கும் காலை 11 மணிக்கு நடக்கும் நேர்க்காணலில் நேரடியாக பங்கேற்கலாம். நேர்க்காணலில் பங்கேற்பவர்கள் தங்களின் அசல் கல்வி சான்றிதழ்கள், பயோடேட்டாவுடன் செல்ல வேண்டும்.

தஞ்சாவூரில் பணி பெற விரும்பினால் Thanjavur District Cooperative Milk Produces Uniove Ltd, Thanjavur - 6 என்ற முகவரியிலும், வேலூர் மாவட்டத்தில் பணி பெற விரும்பினால் Administrative Office, Vellore DCMPU Ltd., (Aavin), Sathuvachari, Vellore - 9 என்ற முகவரியிலும் நேர்க்காணலில் பங்கேற்கலாம்.

தஞ்சாவூர் பணி தொடர்பான அறிவிப்பை காண Click Here

English summary

A notification has been released to fill the vacant posts in Aavin in Tamil Nadu. Candidates will be selected for the job through interview. Eligible and interested candidates can directly participate in the interview on 24th. The selected candidates will be given a salary of up to Rs.43 thousand per month.