Accenture-ல் வேலைவாய்ப்பு.. சென்னை, கோவையிலேயே பணி.. டிகிரி மட்டுமே போதும்! மிஸ் பண்ணாதீங்க
சென்னை: இந்தியாவில் இயங்கி வரும் பிரபல ஐடி நிறுவனங்களில் ஒன்றான ஆக்சென்ச்சர்-ல் (Accenture) காலியாக உள்ள பணியிடங்களை நிரப்புவதற்கான அறிவிப்பு என்பது வெளியாகி உள்ளது. 2023ல் படிப்பை முடித்தவர்கள், 2024ல் படிப்பை முடிப்பவர்களும் இதற்கு விண்ணப்பம் செய்வதன் மூலம் சென்னையிலும் கோவையிலும் பணியை பெற முடியும். அதோடு தொடக்கத்தில் மாதசம்பளமாக ரூ.38 ஆயிரம் வழங்கப்பட உள்ளது.
இந்தியாவின் முன்னனி ஐடி நிறுவனங்களில் ஒன்று அக்சென்ச்சர் (Accenture). சென்னை, கோவை உள்பட பல்வேறு முக்கிய நகரங்களில் இந்த நிறுவனம் செயல்பட்டு வருகிறது. இந்நிலையில் தான் அக்சென்ச்சர் நிறுவனத்தில் காலியாக உள்ள பணியிடங்களை நிரப்புவதற்கான அறிவிப்பு என்பது வெளியாகி உள்ளது. அதன் விபரம் வருமாறு:
காலியிடம்: ஆக்சென்ச்சர் நிறுவனத்தில் சிஸ்டம் அண்ட் அப்ளிகேஷன் சர்வீசஸ் அசோசியேட் (System And Application Services Associate) பணிக்கு ஆட்கள் தேர்வு செய்யப்பட உள்ளனர். இந்த பணிக்கு எத்தனை பேர் தேர்வு செய்யப்பட உள்ளனர் என்பது பற்றி அதிகாரப்பூர்வ அறிவிப்பில் குறிப்பிடப்படவில்லை. இருப்பினும் அதிகமானவர்கள் தேர்வு செய்யப்பட வாய்ப்புள்ளது.
கல்வி தகுதி: சிஸ்டம் அண்ட் அப்ளிகேஷன் சர்வீசஸ் அசோசியேட் பணிக்கு பிஎஸ்சி, பிசிஏ, பிபிஏ, பிஏ, பிகாம், பி.வாக் (B.Voc), பிஎம்எஸ், பிபிஎஸ், பிஎப்எம், பிபிஐஐ, பிஏஎப், பிஎட், பிஎம்மெ், பிஎப்ஏ, பிஎஸ்மைக், பி.டிசைன், எம்சிம், எம்எஸ்சி (கம்ப்யூட்டர் சயின்ஸ் மற்றும் இன்பர்மேஷன் டெக்னாலஜி தவிர), எம்ஏ, எம்காம், எம்எப்ஏ படிப்புகளை முடித்தவர்கள் விண்ணப்பம் செய்யலாம்.
இந்த படிப்புகளை கல்லூரி சென்று முழுநேரமாக முடித்திருக்க வேண்டும். பார்ட் டைம் முறையில் படித்தவர்கள் விண்ணப்பம் செய்ய முடியாது. 2023ல் படிப்பை முடித்தவர்கள், 2024ல் படிப்பை முடிப்பவர்களும் இதற்கு விண்ணப்பம் செய்யலாம் என தெரிவிக்கப்பட்டுள்ளது. இருப்பினும், பிஇ, பிடெக், எம்இ, எம்டெக், எம்எஸ்சி உள்ளிட்ட பிரிவுகளி்ல் கம்ப்யூட்டர் சயின்ஸ் மற்றும் ஐடி படிப்பை முடித்தவர்கள் விண்ணப்பம் செய்ய முடியாது.
மாத சம்பளம்: அப்ளிகேஷன் டெவலப்மென்ட் அசோசியேட்ஸ் பணிக்கு தேர்வாகும் நபர்களுக்கு ஆண்டுக்கு ரூ.3,44,200 சம்பளமாக வழங்கப்பட உள்ளது. அதன்படி பார்த்தால் தொடக்கத்திலேயே மாதம் ரூ.28,683 சம்பளமாக வழங்கப்படும் என அதிகாரப்பூர்வ அறிவிப்பில் தெரிவிக்கப்பட்டுள்ளது.
பணியிடம் எங்கு: பணிக்கு தேர்வாகும் நபர்கள் சென்னை, கோவை பெங்களூர், ஹைதராபாத், மும்பை, புனே, குர்கிராம், கொல்கத்தா, இந்தூர், ஜெய்ப்பூர் உள்ளிட்ட இடங்களில் பணியமர்த்தப்படுவார்கள் என அதிகாரப்பூர்வ அறிவிப்பில் தெரிவிக்கப்பட்டுள்ளது.
விண்ணப்பிப்பது எப்படி: விண்ணப்பத்துக்கான கடைசி தேதி என்று எதுவும் அதிகாரப்பூர்வ அறிவிப்பில் தெரிவிக்கப்படவில்லை. ஆனாலும் தகுதி மற்றும் விருப்பம் உள்ளவர்கள் Accenture நிறுவனத்தின் அதிகாரப்பூர்வ இணையதளம் மூலம் முடிந்தவரை சீக்கிரமாக விண்ணப்பம் செய்ய வேண்டும் என தெரிவிக்கப்பட்டுள்ளது.
பணி தொடர்பான கூடுதல் விபரம் மற்றும் ஆன்லைனில் விண்ணப்பம் செய்ய Click Here
Click it and Unblock the Notifications
Sign in with Google