வந்தது செம அறிவிப்பு.. வங்கியில் 3049 பணியிடங்கள்.. டிகிரி முடிச்சீருக்கீங்களா.. மிஸ் பண்ணிடாதீங்க

சென்னை: நாடு முழுவதும் உள்ள தேசியமயமாக்கப்பட்ட வங்கிகளில் Probationary Officers (PO) பதவிகளுக்கான 3,049 காலி பணியிடங்களை நிரப்புவதற்கான அறிவிப்பாணை வெளியாகி உள்ளது. தகுதி உள்ளவர்கள் வரும் ஆகஸ்ட் 28ம் தேதிக்குள், https://ibps.in என்ற தளத்தில் விண்ணப்பிக்கலாம் என அறிவிக்கப்பட்டுள்ளது.

வங்கி பணியாளர்கள் அமைப்பு (IBPS) அண்மையில் சிறப்பு அதிகாரிகள் மற்றும் ப்ரோபேஷனரி அதிகாரிகளை தேர்வு செய்வதற்கான முறையே IBPS SO 2023-24 மற்றும் IBPS PO 2023க்கான அறிவிப்பினை வெளியிட்டிருக்கிறது.

அதிகாரப்பூர்வ இணையதளமான ibps.in ல் விண்ணப்பிக்கலாம் என்று அறிவித்துள்ளது. தகுதியான விண்ணப்பதாரர்கள் குறிப்பிட்டஇரண்டு தேர்வுகளுக்கும் விண்ணப்பிக்க இன்று முதல் ஆகஸ்ட் 21 வரை அவகாசம் அளித்திருக்கிறது.

IBPS SO 2023 க்கான (சிறப்பு அதிகாரி பணியிடம் 2023) , முதல்நிலைத் தேர்வு டிசம்பர் 30 அல்லது 31 இல் நடத்த ஐபிபிஎஸ் அமைப்பு திட்டமிட்டுள்ளது. அதன்பின்னர் முதன்மைத் தேர்வு அடுத்த ஆண்டு ஜனவரியில் நடைபெறும் என்று அறிவிக்கப்பட்டுள்ளது.

மறுபுறம், IBPS PO 2023 ( புராபசனரி அதிகாரி 2023) பணியிடங்களுக்கு முதற்கட்டத் தேர்வு செப்டம்பரில் நடைபெற உள்ளதாம். முதன்மைத் தேர்வு நவம்பரில் நடத்த திட்டமிடப்பட்டுள்ளது.இந்த பதவிகளுக்கு விண்ணப்பிக்க விரும்பும் இளைஞர்கள் கல்வி தகுதி, வயது வரம்பு விவரங்கள் , இட ஒதுக்கீடு கொள்கைகள் மற்றும் PO மற்றும் SO பதவிகளுக்கு (சிறப்பு அதிகாரிகள் மற்றும் ப்ரோபேஷனரி அதிகாரி) பணியிடங்களுக்கு விரிவான தகவல்களை அதிகாரப்பூர்வ இணையதளத்தில் அறியலாம்.

வயது தகுதி 20 முதல் 30 வயது வரை உள்ள பட்டதாரிகள் விண்ணப்பிக்கலாம்.

சம்பளம் : Rs. 52,000/- to Rs.55,000 ரூபாய் சம்பளம் கிடைக்கும்.

IBPS அமைப்பு பட்டியலிடப்பட்ட சாதி/பட்டியலிடப்பட்ட பழங்குடி இன விண்ணப்பதாரர்களுக்கு 5 ஆண்டுகள் வரை வயது சலுகை அளித்துள்ளது. இதர பிற்படுத்தப்பட்ட வகுப்பினர் (கிரீமி லேயர் அல்லாத) விண்ணப்பதாரர்களுக்கு 3 ஆண்டு வரை வயது தளர்வு அளித்துள்ளது. மாற்றுத்திறனாளிகளுக்கு 10 ஆண்டு வரையிலும், முன்னாள் ராணுவத்தினருக்கு 5 ஆண்டுகள் வரையிலும் வயது தளர்வு அளிக்கப்பட்டுள்ளது.

தேர்வுகள் முடிந்து இறுதி முடிவுகள் டிசம்பர் 2023 இல் அறிவிக்கப்படும் என்றும் நேர்காணல் மற்றும் பணி ஒதுக்கீடு ஆகியவை 2024 ஏப்ரல் மாதத்திற்குள் முடிவடையும் என்றும் தெரிவிக்கப்பட்டுள்ளது. முழு விவரத்தை இத்துடன் இணைக்கப்பட்டுள்ள பிடிஎப் பைலை பாருங்கள்

English summary

IBPS PO Notification 2023 has been released for 3049 Vacancies @ibps.in for the post of Probationary Officer in PSBs. Download the IBPS PO Notification 2023 PDF and get apply link here.