இஸ்ரோவில் வேலை பார்க்க ஆசையா? மாதம் ரூ.69 ஆயிரம் வரை சம்பளம்.. வந்தாச்சு சூப்பர் சான்ஸ்!

பெங்களூர்: இந்திய விண்வெளி ஆய்வு மையம் எனப்படும் இஸ்ரோவில் (ISRO) வேலைவாய்ப்பு அறிவிக்கப்பட்டுள்ளது. தொழில்நுட்ப உதவியாளர், டிரைவர், டெக்னிஷியன் உள்ளிட்ட பணிகளை நிரப்ப அறிவிப்பானது வெளியிடப்பட்டுள்ளது. தேர்வு செய்யப்படும் விண்ணப்பதாரர்களுக்கு ரூ. 69,000 வரை சம்பளம் வழங்கப்படும். இந்த பணியிடங்களுக்கு யார் யாரெல்லாம் விண்ணப்பிக்க முடியும்?, எப்படி விண்ணப்பிப்பது? போன்ற விவரங்களை இங்கே முழுமையாக பார்க்கலாம்.

இந்திய விண்வெளி ஆய்வு மையம் எனப்படும் இஸ்ரோவின் தலைமை அலுவலகம் கர்நாடக மாநிலம் பெங்களூரில் உள்ளது. விண்வெளி ஆய்வில் அமெரிக்கா, ரஷ்யா, சீனாவுக்கு நிகராக தேசத்தை பெருமைப்படுத்தி வருகிறார்கள் இஸ்ரோ விஞ்ஞானிகள். பிரதமரின் நேரடி கண்காணிப்பில் இயங்கும் விண்வெளி துறையின் கீழ் இஸ்ரோ செயல்படுகிறது.

இஸ்ரோ நிறுவனத்தில் ஏற்படும் காலிப்பணியிடங்கள் அவ்வப்போது உரிய அறிவிப்புகள் வெளியிடப்பட்டு நிரப்பப் படுகிறது. அந்த வகையில் தற்போது இஸ்ரோ நிறுவனம் டிரைவர், டெக்னிஷியன் உள்ளிட்ட பணிகளை நிரப்புவதற்கான அறிவிப்பினை வெளியிட்டுள்ளது. இது பற்றிய விவரங்களை பார்க்கலாம்.

பணியிடங்கள் விவரம்:

1. தொழில்நுட்ப உதவியாளர் (மெக்கானிக்கல்) - 11
2. தொழில்நுட்ப உதவியாளர் (எலக்ட்ரானிக்ஸ்) - 01
3. துணை அதிகாரி - 01 4. டெக்னிஷீயன் (டர்னர்) - 01
5. டெக்னிஷீயன் (ஃபிட்டர்) - 04
6. டெக்னிஷீயன் - 01
7. கனரக வாகன ஓட்டுநர் - 02
8. இலகுரக வாகன ஓட்டுநர் - 02
என மொத்தம் 23 பணியிடங்கள் உள்ளன.

கல்வி தகுதி:

டெக்னிக்கல் உதவியாளர் மற்றும் துறை சார்ந்த பிரிவில் டிப்ளமோ முடித்து இருக்க வேண்டும். அதாவது மெக்கானிக்கல் மற்றும் எலக்ட்ரானிக்ஸ் பிரிவில் டிப்ளமோ முடித்தவர்கள் விண்ணப்பிக்கலாம். டெக்னிஷியன் பணிக்கு துறை சார்ந்த பிரிவில் ஐடிஐ படித்து இருப்பது அவசியம். டிரைவர் பணியிடங்களுக்கு ஹெவி மற்றும் எல்.எம்.வி லைசன்ஸ் வைத்து இருப்பவர்கள் விண்ணப்பிக்கலாம். தேர்வர்கள் கல்வித் தகுதி பற்றிய முழு விவரங்களை தேர்வு அறிவிப்பில் பார்த்து தெரிந்து கொள்ளலாம்.

சம்பளம் எவ்வளவு?

தொழில்நுட்ப உதவியாளர்: ரூ. 44,900 - ரூ. 42,400/-
டெக்னிஷியன்: ரூ.21,700 - 69,100 (நிலை 3)
டிரைவர்: ரூ.19,900 - 63,200

வயது வரம்பு:

35 வயதுக்கு மிகாதவர்கள் இந்த பணியிடங்களுக்கு விண்ணப்பிக்க முடியும். அரசு விதிகளின் படி வயது உச்ச வரம்பில் தளர்வுகள் உண்டு. ஓபிசி பிரிவினருக்கு 3 ஆண்டுகளும், எஸ்சி / எஸ்டி பிரிவினருக்கு 5 ஆண்டுகளும் தளர்வு அளிக்கப்படும்.

விருப்பம் உள்ள விண்ணப்பதாரர்கள் அதிகாரப்பூர்வ தேர்வு அறிவிப்பினை ஒருமுறை படித்துவிட்டு தேர்வுக்கு விண்ணபிக்கலாம். ஆன்லைன் வழியாக மட்டுமே விண்ணப்பிக்க முடியும். விண்ணப்ப கட்டணமாக ரூ. 750 செலுத்த வேண்டும். (ரூ.500 திருப்பி தரப்படும்). எஸ்.சி/எஸ்.டி உள்ளிட்ட பிரிவினருக்கு முழு கட்டணமும் திருப்பி அளிக்கப்படும்.

தேர்வு முறை:

எழுத்து தேர்வு, திறன் தேர்வு அடிப்படையில் தகுதியான தேர்வர்கள் தேர்வு செய்யப்படுவார்கள். விண்ணப்பிக்க கால அவகாசம் வரும் 12.08.2025 அன்று தொடங்குகிறது. விண்ணப்பிக்க வரும் 26.08.2025 கடைசி நாளாகும்.

தேர்வு அறிவிப்பினை படிக்க: https://www.lpsc.gov.in/docs/01-2025%20Detailed.pdf

English summary

Indian Space Research Organization (ISRO) has announced a recruitment. The notification has been published to fill the posts of Driver, Technician etc. Selected candidates will be paid a salary of up to Rs. 69,000. Who can apply for these posts?, How to apply etc. Let's see information.