என்னடா.. தக்காளி சாதம் கேட்டா சிக்கன் பிரியாணி கொடுக்குறீங்க! தாறுமாறான மீம்ஸ்களின் தொகுப்பு

சென்னை: சென்னையில் தக்காளி விலை மீண்டும் அதிகரித்துள்ளது. ஒரு கிலோ தக்காளி விலை 130 ரூபாய் இல் 150 ஆக உயர்ந்து விற்பனையாகிறது. மும்பையில் அதிகபட்சமாக 160 ரூபாய் ஆக உள்ளது.தக்காளி விலை அதிகரிப்பது தொடர்பாக மீம்ஸ்கள் அதிக அளவு பரவி வருகின்றன. அவற்றை இப்போது பார்ப்போம்.

பாகுபலி படத்தில் வரும் ஒரு வசனம் தக்காளிக்கு நிச்சயம் பொருந்தும். உயிரோடு இருக்கும் வரை எங்கிருந்தாலும் அவன் அரசன் தான். ஆம் சமையலின் அரசன் என்றால் அவன் தக்காளி தான்.

தமிழ்நாட்டில் தக்காளி விலையும் பூமிகளிலேயே தக்காளி விலை தாறுமாறாக உள்ளது. தக்காளி இல்லாமல் குழம்பு வைப்பது கடினம், எந்த குழம்பு வைப்பதாக இருந்தாலும் தக்காளி கண்டிப்பாக வேண்டும். பிரியாணி சமைப்பதில் தக்காளி தான் முக்கிய பங்கு வகிக்கிறது. எனவே சைவம், அசைவம் என எந்த சமையலிலும் அரசன் என்றால் அது தக்காளி தான்.

கடந்த 3 மாதத்திற்கு முன்பு தக்காளியின் விலை மிக குறைவாக இருந்தது. அதனால் விவசாயிகள் பலர் தக்காளியை பறிக்காமல் அப்படியே அழுதபடியே உழுதுவிட்டனர். தக்காளியே இனி பயிரக்கூடாது என்கிற மனநிலைக்கு வந்தார்கள். தக்காளி பயிரட வெயில் அவசியம். அதனால் கோடை காலத்தில் தக்காளி நன்றாக வந்தது. ஆனால் ஜூன் மாதத்திற்கு பிறகு மழையும், வெயிலும் மாறி மாறி வந்தது. குறிப்பாக சிதோஷண நிலையே மாறிப்போனது.

ஒரு பக்கம் தக்காளி பயிரிட்டவர்கள் குறைவு என்கிற நிலையில், தக்காளியை பயிரிட்ட ஒருசிலருக்கும் பெரிய அளவில் விளைச்சல் இல்லை. இதன் தாக்கம் கடந்த மாத இறுதியிலேயே தெரிய தொடங்கியது. தக்காளி விலை ஏறப்போகிறது என்பது நன்றாகவே தெரிந்தது. தற்போது தக்காளி விலை உச்சத்தை அடைந்துள்ளது.

தக்காளி லாரிகள் சென்னைக்கு வருவது பெரிய அளவில் குறைந்துள்ளது.அண்டை மாநிலமான ஆந்திரா, கர்நாடாகாவிற்கே விளையும் தக்காளி போதாத நிலை காணப்படுகிறது. இதனால் தக்காளி வருகை அதிரடியாக சரிந்துள்ளது. இதன் காரணமாக தக்காளி விலைஒரு கிலோ 150 என்கிற அளவிற்கு உயர்ந்துள்ளது.

தக்காளி விலை சென்னையில் இப்படி என்றால், தக்காளி விலையும் தேனி, திண்டுக்கல், மதுரை, விருதுநகர் போன்ற மாவட்டங்களில் பெரிய அளவில் குறைந்துள்ளது.. அங்கும் தக்காளி விலை 130 ரூபாய்க்கு மேல் விற்பனையாகிறது. தக்காளி விலையை விட ஆப்பிள் பலஇடங்களில் குறைவாக உள்ளது. ஏழைகளின் ஆப்பிள் என்று அழைக்கப்பட்ட தக்காளிஇன்று பணக்காரர்களின் ஆப்பிளை விட உயர்ந்துள்ளது,

தமிழக அரசு தக்காளி விலையை கட்டுப்படுத்தும் நோக்கில், ரேஷன் கடைகளில் 60 ரூபாய்க்கு விற்பனை செய்ய உத்தரவிட்டுள்ளது.ஆனால் மிக குறைவான அளவிலேயே விற்கப்படுவதால் மக்களுக்கு போதவில்லை. இது ஒருபுறம் எனில் தக்காளியை தொடர்ந்து சின்ன வெங்காயம், பச்சை மிளகாய்,இஞ்சி, பூண்டு விலையும் அதிகரித்துள்ளது. இது ஒரு புறம் எனில் சீரகம், துவரம்பருப்பு, உளுந்தம் பருப்பு என மளிகை பொருட்கள் விலையும் தாருமாறாக உயர்ந்துள்ளது.மக்கள் என்ன செய்வது என்று தெரியாமல் தவித்து வருகிறார்கள்.

இப்படியான சூழலில் தக்காளி விலை உயர்வை சுட்டிக்காட்டி பல்வேறு மீம்ஸ்கள் வெளியாகி உள்ளன. அவற்றின் தொகுப்பை இப்போது பார்ப்போம். ஒருவர் கடையில் தக்காளி சாதம் கேட்டுள்ளார். அதற்கு சிக்கன் பிரியாணி கொடுத்துள்ளார்கள்.அவர் நான் தக்காளி சாதம் கேட்டால் சிக்கன் பிரியாணி தருகிறீர்கள் என்று கேட்கிறார்.. அதற்கு அவர் நீ கொடுத்த காசுக்கு சிக்கன் பிரியாணி கொடுக்காம தக்காளி சாதமா கொடுக்க முடியும் என்று கேட்பார். விவேக் காமெடியை உள்டா செய்து இந்த மீம் போட்டுள்ளார்கள். இப்படி வெளியாகி உள்ள பல்வேறு மீம்ஸ்களை நீங்களே பாருங்கள்.

English summary

Tomato prices have increased again in Chennai. The price of tomato has increased from Rs 130 to Rs 150 per kg. 160 is the maximum in Mumbai. Memes are circulating a lot about the increase in tomato prices. Let's see them now.