நீங்கள் நீங்களாகவே இருங்கள்!

நாம் நாமாகவே இருக்க வேண்டும். அதுதான் சரியானது, நேர்மையானதும் கூட. அடுத்தவர்களுக்காக நாம் மாற முடியாது. நம்மைப் பிடித்தவர்கள் நம்முடன் இருப்பார்கள், பிடிக்காதவர்கள் போய்க் கொள்ளட்டும்.. அதனால் நஷ்டம் நிச்சயம் நமக்கல்ல.. இதில் முதலில் உங்களது மனசு தெளிவு பெற வேண்டும்.

எந்த ஒரு சூழ்நிலையிலும் யாருக்காகவும் உங்களை நீங்கள் மாற்றிக் கொள்ளாதீர்கள். உங்கள் சுயத்தை இழந்து விடாதீர்கள். எது சரியென்று உங்களுக்குத் தோன்றுகிறதோ அதைச் செய்யுங்கள் அவர்கள் அப்படி சொல்வார்கள் இவர்கள் இப்படி சொல்வார்கள் என்று யாருக்காகவும் உங்கள் முடிவை மாற்றிக் கொள்ளாதீர்கள். நீங்கள் நீங்களாகவே இருங்கள். உங்களுக்கென தனி வழியை வகுத்துக் கொள்ளுங்கள். அவ்வழியில் வெற்றி நடை போடுங்கள்.

வாழ்க்கை என்பது ஒரு முறை தான். அதனால் நம் மனதுக்குப் பிடித்தாற் போல சந்தோசமாக வாழ்ந்துப் பாருங்களேன். நம் குடும்பம் நம் கணவர் நம் குழந்தைகள் என்று ஓடும் நீங்கள் உங்களுக்காக ஒரு நாளை ஒதுக்குங்கள். அந்த நாளில் உங்கள் மனதிற்கு என்ன தோன்றுகிறதோ அதைச் செய்யுங்கள். அப்போது நீங்கள் மனநிறைவுடன் காணப்படுவீர்கள். மற்றவர்களுக்காக உங்கள் விருப்பங்களை மாற்றிக் கொள்ளாதீர்கள். உங்களுக்குப் பிடித்தாற்போல் வாழுங்கள்.

நீங்கள் என்ன செய்ய விரும்புகிறீரோ அதை திறம்பட செய்யுங்கள். யாருக்காகவும் உங்கள் விருப்பத்தை மாற்றிக் கொள்ளாதீர்கள். நீங்கள் நீங்களாகவே இருங்கள் அதுதான் உங்களுக்கு மகிழ்ச்சியைக் கொடுக்கும்.

English summary

Dont give up your self and be yourself always.