ஜெயலலிதாவை சந்தித்தார் நடிகை விஜயசாந்தி

சென்னை:

நடிகை விஜயசாந்தி செவ்வாய்க்கிழமை மாலை அ.தி.மு.க. பொதுச்செயலாளர் ஜெயலலிதாவை சந்தித்துப் புத்தாண்டு வாழ்த்துத் தெரிவித்தார்.

இதுகுறித்து அ.தி.மு.க.தலைமைக் கழகம் வெளியிட்டுள்ள அறிக்கை:

நடிகர் ராமராஜன் நடித்து இயக்கிய சீறி வரும் காளை படத்தின் பாடல் கேஸட் செவ்வாய்க்கிழமை ஜெயலலிதா வீட்டில் வெளியிடப்பட்டது. கேஸட்டைஜெயலலிதா வெளியிட்டார். படத்தில் நடித்துள்ள நடிகை அபிதா, இசையமைப்பாளர் சிற்பி, கண்ணா சினி ஆர்ட்ஸ் பட தயாரிப்பாளர் சுரேஷ் கார்த்தி மற்றும் பலர்இவ்விழாவில் கலந்து கொண்டனர்.

முன்னதாக வ.கம்யூனிஸ்ட் கட்சித் தலைவர்கள் ஜெயலலிதாவை சந்தித்துப் பேசினார்கள். பின்னர் நடிகை விஜயசாந்தி ஜெயலலிதாவை சந்தித்து புத்தாண்டு வாழ்த்துத்தெரிவித்தார். அதன்பிறகு தமிழ்நாடு காங்கிரஸ் கட்சியின் வர்த்தக பிரிவு தலைவர் எச்.வசந்தகுமார் ஜெயலலிதாவை சந்தித்துப் பேசினார் என்று அ.தி.மு.க.கழகம் வெளியிட்டுள்ள அறிக்கையில் கூறப்பட்டுள்ளது.