• search
For Quick Alerts
ALLOW NOTIFICATIONS  
For Daily Alerts

முதல்வர் பதவியிலிருந்து ஓய்வு பெறுகிறார் ஜோதிபாசு

By Staff
|

கேள்வி - பதில்

கே: நடிகர் ராஜ்குமார் திடீரென சென்னை வந்து, முதல்வர் கருணாநிதியை சந்தித்து விட்டுப் போய் விட்டது பற்றி தங்கள் கருத்து என்ன?

ப: எப்படியோ, எழுபத்திரெண்டு நாட்கள் கெஞ்சி கூத்தாடி அழைத்து வந்தால் - மூட்டு வலி சிகிச்சைக்காக வந்தேன் - அப்படியே முதல்வரையும்பார்த்தேன் என்கிற வகையில் நடந்து கொண்டு விட்டாரே! முதல்வருக்கு திருப்தி இருக்காது.

கே: தமிழக அரசின் சமத்துவபுரம் மற்றும் நமக்கு நாமே போன்ற திட்டங்கள் குறித்த குறைபாடுகள், துக்ளக் பத்திரிக்கையிலே கூட வந்துள்ளதே -என்று த.மா.கா. தரப்பில் சட்டசபையில் கேட்கப்பட்டதற்கு, அது ஜெயலலிதா பத்திரிக்கை அதில் அப்படித்தான் எழுதுவார்கள் என்று அமைச்சர்ஆற்காடு வீராசாமி பதில் கூறியுள்ளாராமே? இது பற்றி ...?

ப: துக்ளக்கை, ஜெயலலிதா பத்திரிக்கை என்று சொல்லி விட்டாரே! நல்ல உயர்ந்த விஷயம் எதுவாக இருந்தாலும், அது ஜெயலலிதாவுக்கேபோகட்டும் என்று தி.மு.க. நினைக்க ஆரம்பித்து விட்டதா? இதுவல்லவோ பெருந்தன்மை!

கே: விடுதலைப் புலிகளிக்குப் பண உதவி அளிப்பது யார் - என்று விசாரிக்கும்படி 17 நாடுகளுக்கு சி.பி.ஐ. கடிதம் எழுதியுள்ளது பற்றி ...?

ப: என்ன சட்டம் - அல்லது என்ன சர்வதேச உடன்படிக்கை - அல்லது என்ன மரபின் கீழ், இந்த நடவடிக்கையை சி.பி.ஐ. எடுத்திருக்கிறது என்பதுஎனக்கு தெரியவில்லை.

கே: பைத்தியக்காரத் தனத்திற்கும், முட்டாள் தனத்திற்கும், என்ன வேறுபாடு ... ?

ப: நாற்பது வயதில் நமது நிலைக்கும், இருபது வயதில் நமது நிலைக்கும், உள்ள வேறுபாடுதான். முட்டாள்தனம் - ஆரம்பம்: பைத்தியக்காரத்தனம்- அனுபவம்.

கே: சட்டத்தை ஜனநாயகம் ஏமாற்றுகிறதா? ஜனநாயகத்தை சட்டம் ஏமாற்றுகிறதா?

ப: சே! பாவம்! அவை இரண்டும் அப்பாவிகள். ஆனால் அரசியல்வாதிகளிடமும் , அரசியல் கட்சிகளிடமும் வேலை செய்வதால் - சில சமயங்களில் இவைஇரண்டுக்குமிடையே போட்டி, பொறாமை வந்து விடுகிறது: இவற்றின் முதலாளிகளான அரசியல்வாதிகளுக்கும், இவைகளிடையே சந்தேகங்களைவிதைக்கிறார்கள்: அப்போது ஒன்றை ஒன்று ஏமாற்ற முனைகின்றன. அவ்வளவுதான்.

கே: கிறிஸ்துவரான சோனியா, ஹிந்துக்களின் புனிதமான கும்பமேளா விழாவில் கலந்து கொள்வது சரியா ...?

ப: எந்த சாத்திரமோ, மரபோ, மற்ற மதத்தினர், கும்பமேளாவில் கலந்து கொள்வதைத் தடுப்பதாக எனக்குத் தெரியவில்லை. அது ஒருபுறம்இருக்கட்டும் - புனிதமான கும்பமேளா என்று சொல்கிறீர்களே - அது புனிதத் தன்மையுடனா நடந்தது?

கே: ஜெயலலிதா - வீரமணி நட்பில் விரிசலுக்குக் காரணம்த தாங்கள்தான் என்று சொல்லப்படுவது பற்றி ...?

ப: முதலில் விரிசல் இருக்கிறதா என்று பாருங்கள். யார் காரணம் என்று அப்புறம் பார்த்துக் கொள்ளலாம். விரிசலே இல்லாதபோது, காரணம் யார்என்று தேடி அலைவது வீண் வேலை அல்லவா?

கே: பணம் கொடுத்து ஓட்டு வாங்கும் கலாச்சாரம், காங்கிரஸ் காலத்தில்தான் ஆரம்பமானது என்று சிலர் கூறுவது பற்றி ...?

ப: உண்மைதான், இன்று நடக்கிற கூத்துக்களில் பலவற்றை, அன்று சிறிய அளவில் ஆரம்பித்து வைத்தது காங்கிரஸ் கட்சிதான். அதில் ஓட்டுக்குப் பணம்என்பதும் ஒன்று.

கே: மகனைப் பெற்றுத் தராததால் மனைவியைக் கொன்றான் கணவன் - என்ற செய்தி பற்றி ...?

ப: இப்படிப்பட்ட ஆசாமிக்கு ஒரு மகன் பிறந்திருந்தால் அவன் எப்படி இருந்திருப்பானோ, கடவுளுக்குத்தான் வெளிச்சம்! அப்படி ஒரு மகனைபெற்றெடுக்காத அந்தப் பெண்மணி, புண்ணியவதி.

கே: வீரப்பன் விவகாரமும், சிமெண்ட் விலை பிரச்னையில் உள்ள விஷயமும் மர்மமாகவே உள்ளதே?

ப: தெளிவான சந்தேகத்திற்கு இடமளிக்கிற, வெளிப்படையான மர்மங்கள் இவை.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more