நடக்க முடியாதவர் 500 படிகளில் தலைகீழாக இறங்கி சாதனை

காஞ்சிபுரம்:

நடக்க முடியாத இளைஞர் ஒருவர் திருக்கழுக்குன்றம் கோவிலின் 500 படிகளைத் தலைகீழாக, கைகளாலேயேஇறங்கிச் சாதனை படைத்தார்.

24 வயதான டி. குமரவேல் என்ற அந்த இளைஞர், இந்தச் சாதனையின் மூலம் லிம்கா ஆசிய சாதனையைமுறியடித்துள்ளார். இவர் 4 நிமிடங்கள் 8 நொடிகளிலேயே 500 படிகளிலும் தலைகீழாக இறங்கியுள்ளார்.

சனிக்கிழமை இவர் நடத்திய இந்தச் சாதனை நிகழ்ச்சியை, திரைப்பட நடிகர் சூர்யா துவக்கி வைத்தார்.

தன்னுடைய 12வது வயதிலிருந்தே தலைகீழாக நடக்கும் பயிற்சியை குமரவேல் மேற்கொண்டு வருகிறார். 9வதுவகுப்பு வரை படித்துள்ள இவர், ரயில்வேயில் கலாசி வேலைக்காக விண்ணப்பித்துள்ளார்.

1991ஆம் ஆண்டு, உத்தரப்பிரதேச மாநிலத்தின் சதீஷ் கணபதிராவ் கனிட்கர் என்பவர் 320 படிகளை 4 நிமிடங்கள்26 நொடிகளில் கடந்ததே இதற்கு முந்தைய சாதனையாக இருந்தது.