• search
For Quick Alerts
ALLOW NOTIFICATIONS  
For Daily Alerts

சாப்ட்வேர் திருட்டு இல்லாத நகராகுமா பெங்களூர்?

By Staff
|

பெங்களூர்:

சாப்ட்வேர் திருட்டுக்களைத் தடுக்க பெங்களூர் தீவிரமாகச் செயல்பட ஆரம்பித்துள்ளது.

"சாப்ட்வேர் பைரசி" என்று அழைக்கப்படும் இந்தத் திருட்டுக்கள் உலகம் முழுவதும் சர்வ சாதாரணமாகவே நடந்துவருகின்றன. இது குற்றம்தான் என்று தெரிந்தும், கம்ப்யூட்டர் துறையில் உள்ளவர்கள் கூட, நிறையசாப்ட்வேர்களைத் திருடிக் கொண்டுதான் இருக்கின்றனர்.

சாப்ட்வேர் தொழில் தற்போது வெகு வேகமாக இறங்கி வருவதை அனைவருமே கண்கூடாகப் பார்க்கிறோம். இந்தஇறங்கு முகத்திற்கு சாப்ட்வேர் திருட்டும் ஒரு முக்கியக் காரணமாகக் கருதப்படுகிறது. அதனால் சாப்ட்வேர்திருட்டை ஒழிப்பதும் சாப்ட்வேர் தொழிலுக்குத் தரப்படும் ஊக்கத்தில் ஒன்றாகக் கருதப்படுகிறது.

இந்தியாவின் "சிலிக்கன் வேலி" என்றழைக்கப்படும் பெங்களூரும் சாப்ட்வேர் திருட்டுக்கு விதிவிலக்கல்ல.பெங்களூரில் உள்ள பல கம்ப்யூட்டர் பயிற்சி நிறுவனங்கள், "பைரேட்டட் வெர்சன்" சாப்ட்வேர்களைத்தான்பயன்படுத்தி வருகின்றனர்.

பெங்களூரில் 63 சதவீத அளவுக்கு சாப்ட்வேர்கள் திருடப்படுகின்றன. உலகிலேயே குறைந்த பட்சமாகஅமெரிக்காவில் 25 சதவீத சாப்ட்வேர் திருட்டு நடக்கிறது. இதுவே சீனாவில் 90 சதவீதமாகவும் ஹாங்காங்கில் 65சதவீதமாகவும் ஜப்பானில் 45 சதவீதமாகவும் உள்ளது.

இத்தகைய சாப்ட்வேர் திருட்டுக்களைக் களைய கர்நாடக அரசு தற்போது களத்தில் இறங்கியுள்ளது. முதல்வேலையாக, பெங்களூரில் உள்ள கம்ப்யூட்டர் பயிற்சி நிறுவனங்கள் முற்றுகைக்கு உள்ளாக உள்ளன. பெங்களூர்நகரப் போலீஸ் கமிஷனர்தான் சாப்ட்வேர் திருட்டு தடுப்பின் தலைமை அதிகாரியாக இருப்பார்.

இந்த சாப்ட்வேர் திருட்டைத் தடுக்க இப்போது முயலாவிட்டால், அது எப்போதுமே முடியாமல் போய்விடும் என்றுகூறப்படுவதால், போலீஸ் அதிகாரிகளும் கொஞ்சம் சுறுசுறுப்புடன் செயல்பட ஆரம்பித்துள்ளது.

எப்படியாவது 2002ம் ஆண்டு ஜனவரி மாதத்துக்குள் சாப்ட்வேர் திருட்டுக்களை முற்றுலுமாக முறியடித்து விடுவதுஎன்று கங்கணம் கட்டிக் கொண்டிருக்கிறது கர்நாடக அரசு. டெக்னிக்கலாகக் கஷ்டம்தான் என்றாலும், கொஞ்சம்ஆரம்பித்துவிட்டால் போதும், நம் போலீஸார் பிடி உடும்புப் பிடியாகிவிடும் என்று நம்புகிறது கர்நாடக அரசு.

நாட்டிலேயே பெங்களூரில் தான் அதிக அளவாக 928 சாப்ட்வேர் கம்பெனிகள் உள்ளன. இந்த அளவுக்குசாப்ட்வேரில் வளர்ச்சி அடைந்துள்ள இந்த நகரில்தான் சாப்ட்வேர் திருட்டுக்களும் அதிகமாகி விட்டது.

அதனால்தான், சாப்ட்வேர் திருட்டைத் தடுக்க, போலீஸார் அவசர அவசரமாக முடுக்கிவிடப் பட்டுள்ளனர்.

ஐ.ஏ.என்.எஸ்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more