இலங்கை: புலிகள் தாக்குதலில் 3 கடற்படை வீரர்கள் பலி

கொழும்பு:

இலங்கையில் விடுதலைப்புலிகள் நடத்திய திடீர் தாக்குதலில் 3 இலங்கை கடற்படை வீரர்கள் கொல்லப்பட்டனர்.தொடர்ந்து நடந்த சண்டையில், 4 புலிகளும் கொல்லப்பட்டதாக இலங்கை ராணுவம் கூறுகிறது.

கடந்த ஜூலை 24ம் தேதி கொழும்பு விமான நிலையத்திற்குள் புகுந்து, பயணிகள் விமானங்களைத் தகர்த்தனர்விடுதலைப்புலிகள். அத்தோடு நின்று விடாமல், அருகிலுள்ள விமானப்படைத் தளத்திற்குள்ளும் நுழைந்து, "கபிர்"ரக போர் விமானங்களையும் ராக்கெட் வீசித் தகர்த்தெறிந்தனர்.

இதையடுத்து, விடுதலைப்புலிகளின் ஆக்கிரமிப்பில் உள்ள பகுதிகளில் விமானப்படை தொடர்ந்து தாக்குதல்நடத்தி வருகிறது. 2 நாட்களுக்கு முன்னர் கூட, புலிகளின் தளம் ஒன்றை இலங்கை விமானப் படை விமானங்கள்தகர்த்தன.

இந்நிலையில், திரிகோணமலையிலிருந்து 40 கி.மீ. தொலைவிலுள்ள கல்லரவா பகுதியில், புலிகள் திடீர் தாக்குதலைமேற்கொண்டனர்.

இத்தாக்குதலின்போது, புலிகளின் துப்பாக்கிச் சூட்டுக்கு இலங்கை கடற்படையைச் சேர்ந்த 3 வீரர்கள்கொல்லப்பட்டனர். மேலும் 2 பேர் காயமடைந்தனர்.

கடற்படை வீரர்களும், விடுதலைப்புலிகளுக்குப் பதிலடி கொடுக்கும் விதமாக, அவர்களை நோக்கிச் சுட்டனர்.இதில் 4 விடுதலைப்புலிகள் கொல்லப்பட்டனர்.