அரசின் புத்தாண்டு பரிசு சாராயமா? ராமதாஸ் எரிச்சல்

சென்னை:

புத்தாண்டு முதல் தமிழக அரசு அறிமுகப்படுத்தியுள்ள மலிவு விலை சாராயம் கிராமப்புற மக்களின் பொருளாதார நிலையை சீர்குலைத்துவிடும் என்று பாட்டாளி மக்கள் கட்சித் தலைவர் டாக்டர் ராமதாஸ் கூறியுள்ளார்.

சென்னையில் வியாழக்கிழமை அவர் வெளியிட்டுள்ள அறிக்கையில், புத்தாண்டு தினத்தன்று கேரளா, கர்நாடகம், ஆந்திரா போன்றமாநிலங்கள் பல்வேறு நலத்திட்டங்களை அறிமுகப்படுத்தியுள்ளன.

ஆனால், தமிழக அரசோ மலிவு விலை சாராயம் அறிமுகப்படுத்தியுள்ளது. இது தான் மக்களுக்கு அரசு கொடுக்கும் புத்தாண்டு பரிசா?

அரசுக்கு வருவாய் வரும் என்ற நோக்கில் இந்தத் திட்டம் அறிவிக்கப்பட்டிருந்தாலும் கூட கிராமப்புற மக்களின் பொருளாதாரத்தை இதுசீர்குலைத்து விடும். வறுமை, பட்டினிச்சாவு ஆகியவற்றை இது அதிகப்படுத்திவிடும் அபாயம் உள்ளது என்று கூறியுள்ளார் அவர்.