பெண்கள், குழந்தைகளுக்கு 18 சிறப்புத் திட்டங்கள் அறிவிப்பு

சென்னை:

பெண்கள் மற்றும் குழந்தைகள் நலனுக்கான 18 அம்சத் திட்டத்தை தமிழக அரசு அறிமுகப்படுத்தியுள்ளது.

யுனிசெப், அரசு துறைகள், தொண்டு நிறுவனங்கள் மற்றும் வல்லுநர்களின் ஆலோசனைப்படி பெண்கள் மற்றும்குழந்தைகளுக்கான இந்த 18 அம்ச திட்டத்தை என தமிழக அரசு அறிமுகப்படுத்தியுள்ளது.

இந்த 18 அம்ச திட்டத்தில் முக்கியமான அம்சங்கள்:

• சிறு வயதிலேயே குழந்தைகளைக் கருவில் சுமத்தல், அடிக்கடி குழந்தை பெற்றுக் கொள்ளுதல் போன்ற கேடுகளில் இருந்து பெண்களை விடுவித்தல்.

• பெண் குழந்தைகளை கருவிலேயே அழித்து விடுவதையும், பெண் சிசுக் கொலையையும் ஒழித்தல்.
• பெண் குழந்தைகள் பாதுகாப்புத் திட்டத்தை பிரபலபடுத்தி, பெண் குழந்தைகளின் நிலையை மேம்படுத்துதல்.

• குழந்தை தொழிலாளர் முறையை ஒழித்தல்.

• மகளிரிடையே எழுத்தறிவை அதிகரித்தல்.
• சுய உதவிக் குழுக்கள் மூலம் பெண்களுக்கு அதிகாரமளித்தல்.
  இந்த 18 அம்ச திட்டத்தை தீவிரமாக அமல்படுத்த அரசு முடிவு செய்துள்ளது.

  இதற்காக தலைமைச் செயலாளர் தலைமையில் 3 குழுக்கள் அமைக்கப்பட்டுள்ளன.