நெய்வேலி ஊழியர்கள் ஸ்டிரைக்கினால் மின் உற்பத்தி கடும் பாதிப்பு

நெய்வேலி:

நெய்வேலி அனல்மின் நிறுவனம் (என்.எல்.சி.) தனியார் மயமாக்கப்படுவதை எதிர்த்து அதன் ஊழியர்கள் நேற்று(திங்கள்கிழமை) இரவிலிருந்து ஒருநாள் அடையாள வேலைநிறுத்தத்தில் ஈடுபட்டுள்ளதையடுத்து, மின் உற்பத்தில்பெரிதும் பாதிக்கப்பட்டுள்ளது.

என்.எல்.சி. நிறுவனம் விரைவில் தனியார் மயமாக்கப்படும் என்று வெளியான தகவலையடுத்து, அதை எதிர்த்துஅந்நிறுவன ஊழியர்கள் பல்வேறு போராட்டங்களை நடத்தி வருகின்றனர்.

அதன்படி நேற்று இரவு 10 மணி முதல் ஒருநாள் அடையாள வேலைநிறுத்தத்தில் ஈடுபட்டு வருகின்றனர். இதனால்மின் உற்பத்தி பெருமளவு பாதிக்கப்பட்டுள்ளது.

நிறுவன ஊழியர்களுக்கு ஆதரவாக நெய்வேலியில் கடைகள் மூடப்பட்டுள்ளன. மேலும் பஸ்கள் எதுவும்இயக்கப்படவில்லை.

ஊழியர்களின் வேலை நிறுத்தம் காரணமாக வெளிமாவட்டங்களிலிருந்து ஏராளமான போலீசார் நெய்வேலியில்குவிக்கப்பட்டுள்ளனர்.

இதற்கிடையில் நிலக்கரி நிறுவனத்தின் வாசலில் நின்று ஆர்ப்பாட்டம் நடத்திய ஊழியர்கள் மீது போலீசார் நடத்தியதடியடியில் 11 பேர் காயமடைந்தனர்.

இந்நிலையில் 500 என்.எல்.சி. பொறியாளர்கள் உண்ணாவிரதமும் இருந்து வருகின்றனர்.

போலீசை பயன்படுத்தியது தவறு: சிதம்பரம்

இதற்கிடையே நெய்வேலி நிறுவன ஊழியர்களின் வேலை நிறுத்தத்தை ஒடுக்க போலீசை அரசு பயன்படுத்தியதுதவறான செயல் என்று காங்கிரஸ் ஜனநாயக பேரவையின் பொதுச் செயலாளர் ப. சிதம்பரம் கூறினார்.

இது குறித்து சிதம்பரம் வெளியிட்டுள்ள அறிக்கையில் கூறியிருப்பதாவது:

நிறுவன ஊழியர்களின் வேலை நிறுத்தத்தை ஒடுக்குவதற்கு, போலீசை கொண்டு தடியடி நடத்தியது தவறானசெயலாகும்.

தனியார்மயமாக்கப்பட்டால் தங்களது எதிர்காலம் கேள்விக்குறியாகிவிடும் என்று ஊழியர்கள் அஞ்சுகின்றனர்.அதனால் தான் அவர்கள் போராட்டத்தில் ஈடுபட்டு வருகின்றனர்.

அவர்களின் அச்சத்தை போக்குவதற்கு மத்திய அரசும், நெய்வேலி நிறுவனமும் முறையான நடவடிக்கை எடுக்கவேண்டும் என்று சிதம்பரம் கூறினார்.