தலித் பஞ்சாயத்துக்களில் தொடங்கியது வாக்குப்பதிவு: பலத்த பாதுகாப்பு

சென்னை:

மதுரை மாவட்டம் கீரிப்பட்டி, பாப்பாப்பட்டி ஆகிய தலித் பஞ்சாயத்துக்களின் தலைவர் பதவிகளுக்கு பலத்தபாதுகாப்புக்கு மத்தியில் இன்று (திங்கள்கிழமை) வாக்குப் பதிவு நடக்கிறது.

3 தலித் பஞ்சாயத்துக்களுக்கும் பல ஆண்டுகளாக தேர்தல் நடைபெறாமல் இருந்து வருகிறது. உயர் ஜாதியினரின்மிரட்டல் காரணமாக தாழ்த்தப்பட்ட வகுப்பைச் சேர்ந்த யாரும் வேட்பு மனுத்தாக்கல் செய்ய முன்வரவில்லை.இதனால் இங்கு தேர்தல் நடைபெறாமல் இருந்து வந்தது.

இந்நிலையில் 3 பஞ்சாயத்துக்களின் தலைவர் பதவிக்கும் மீண்டும் தேர்தல் அறிவிக்கப்பட்டது.

மாவட்ட நிர்வாகத்தின் பல்வேறு முயற்சிகளின் காரணமாக இப்போது பாப்பாப்பட்டி, கீரிப்பட்டி ஆகியபஞ்சாயத்து தலைவர் பதவிக்கு சிலர் வேட்பு மனுத்தாக்கல் செய்துள்ளனர். இதனால் இங்கு திங்கள்கிழமை வாக்குப்பதிவு நடக்கிறது.

வாக்குப் பதிவையொட்டி 3 பஞ்சாயத்துக்களிலும் தீவிரப் பாதுகாப்புக்கு ஏற்பாடு செய்யப்பட்டுள்ளது.

ஆயுதம் தாங்கிய போலீசார் பாதுகாப்புப் பணியில் ஈடுபடுத்தப்பட்டுள்ளனர். திருநெல்வேலி மாவட்டம்மணித்தாறு ஆயுதப் போலீஸ் பயிற்சி மையத்திலிருந்து ஏராளமான போலீசார் பாதுகாப்புப் பணிக்காகஅழைக்கப்பட்டுள்ளனர்.

காலை 7.30க்கு வாக்குப்பதிவு ஆரம்பித்து மாலை 5.30 வரை நடைபெறும். கீரிப்பட்டியில் 3 வாக்குச் சாவடிகளும்,பாப்பாப்பட்டியில் 4 வாக்குச் சாவடிகளும் அமைக்கப்பட்டுள்ளன.

மற்றொரு தலித் பஞ்சாயத்துத் தொகுதியான நாட்டார்மங்கலத்தில் யாருமே வேட்புமனுத் தாக்கல் செய்யவில்லைஎன்பது குறிப்பிடத்தக்கது.

சென்னையில் ...

இதற்கிடையே சென்னையிலும் 2 மாநகராட்சி வார்டுகளுக்கு இடைத் தேர்தல் இன்று நடைபெறுகிறது.

வார்டு எண் 16 மற்றும் 99 ஆகிய வார்டுகளில் இடைத் தேர்தல் நடைபெறுகிறது.

16வது வார்டு வேட்பாளர் இறந்ததாலும், 99வது வார்டு திமுக கவுன்சிலர் ஆனந்தன் இறந்ததாலும் இங்கு தேர்தல்நடைபெறுகிறது.