வண்டலூர் மிருகக் காட்சி சாலையில் புலிகளுக்கு நோய் தாக்குதல்

சென்னை:

சென்னை வண்டலூர் உயிரியல் பூங்காவில் உள்ள ஒரு புலி தொற்று நோய் காரணமாக உயிரிழந்துள்ளது.

மேலும் இரு புலிகளுக்கும் இந்த நோய் பரவியுள்ளதால் இந்த வனப் பூங்காவில் உள்ள அனைத்துவிலங்குகளுக்கும் தடுப்பூசிகள் போடப்பட்டு வருகிறது.

சர்க்கஸ்களில் அடைக்கப்பட்டு சித்ரவதைக்குள்ளான 15 சிங்கங்கள், 8 புலிகளை மிருக வதைத் தடுப்புஅமைப்பினரும் வனத்துறையினரும் மீட்டு இந்த பூங்காவில் சேர்த்தனர்.

அவை சர்க்கசில் இருந்தபோது தொற்று நோயால் தாக்கப்பட்டிருந்தன. இதில் ஒரு புலி சமீபத்தில் உயிரிழந்தது.இதையடுத்து பிற புலிகள் மற்றும் சிங்கங்களுக்கு மருத்துவ சோதனை நடந்தது. அப்போது மேலும் 2 புலிகள்நோயால் தாக்கப்பட்டிப்பது தெரியவந்தது.

இதைத் தொடர்ந்து அவை தனியே பிரிக்கப்பட்டு கூண்டில் அடைக்கப்பட்டுள்ளன. இந்த நோய் பிறவிலங்குகளுக்கும் பரவி விடாமல் தடுக்க அனைத்து விலங்குகளுக்கும் தடுப்பூசி போட வண்டலூர் பூங்கா முடிவுசெய்துள்ளதாக அதன் இயக்குனர் தியாகி தெரிவித்தார்.