• search
For Quick Alerts
ALLOW NOTIFICATIONS  
For Daily Alerts

வந்தா குதிச்சுருவேன்... 135 அடி உயரத்தில் ஒரு சேட்டை

By Staff
|
புதுக்கோட்டை:

வீட்டில் செலவுக்குப் பணம் தராததால் கோபித்துக் கொண்டு 135 அடி உயர தொலைபேசி கோபுரத்தில் ஏறிய அங்கிருந்து குதித்துத்தற்கொலை செய்து கொள்ளப் போவதாக மிரட்டினார் ஒரு வாலிபர். இதையடுத்து அங்கு பெரும் பரபரப்பு ஏற்பட்டது.

புதுக்கோட்டை சந்தைப்பேட்டையைச் சேர்ந்த தனலட்சுமி என்பரின் மகன் வெங்கடேஷ். 20 வயதான இவர் படித்துவிட்டுவேலையில்லாமல் இருக்கிறார். இதனால் வீட்டில் அடிக்கடி செலவுக்கு பணம் கேட்டு தொல்லை செய்து வந்தார்.

இன்று காலை தனது தாயாரிடம் ரூ. 10,000 கேட்டார். ஆனால், பணம் தர தாயார் மறுத்துவிட்டார்.

இதையடுத்து கோபமடைந்த வெங்கடேஷ் அருகில் உள்ள தொலைபேசி டவருக்கு சென்றார். காலை 7 மணிக்கு 135 அடிஉயரமுள்ள அந்தக் கோபுரத்தின் உச்சியில் ஏறிய வெங்கடேஷ் அங்கிருந்து குதித்துத் தற்கொலை செய்து கொள்ளப் போவதாகமேலே இருந்து கத்தினார்.

இதையடுத்து அப் பகுதி மக்கள் அங்கு குவிந்தனர். அவரை கீழே இறங்கச் சொல்லி அவரது தாயார் கீழே நின்று அழுதார். ஆனால்,பலன் ஏற்படவில்லை. அவருடன் படித்தவர்கள், நண்பர்கள், தெரு மக்கள், உறவினர்கள் என அனைவரும் கூடி நின்று அவரைகீழே இறங்குமாறு கூறினர்.

சிலர் மேலே ஏறிச் செல்ல முயன்றனர். ஆனால், யாராவது மேலே வந்தால் கீழே குதித்துவிடுவேன் என வெங்கடேஷ் மிரட்டியதால்ஏறியவர்கள் வேகமாக கீழே இறங்கிவிட்டனர்.

இந்தத் தகவல் அறிந்து தீயணைப்புப் படையினரும் விரைந்து வந்தனர். போலீசாரும் கீழிருந்து மைக் மூலம் வெங்கடேசுடன் பேசிசமாதானப்படுத்த முயன்றும் பலன் உண்டாகவில்லை.

இது குறித்துக் கேள்விப்பட்ட புதுக்கோட்டையின் பிற பகுதி மக்களும் ஆயிரக்கணக்கில் அங்கு குவிந்தனர். வாகனங்களிலும்பல்வேறு பகுதிகளில் இருந்து மக்கள் வந்தனர். இதனால் பெரும் போக்குவரத்து நெரிசலும் ஏற்பட்டது.

கடும் வெயிலில் உச்சியில் நின்றிருந்த வெங்டேசுக்கு திடீரென தாகம் ஏற்பட்டது. இதையடுத்து அவர் குடிக்கத் தண்ணீர் கேட்டார்.உடனே ஒரு வாட்டசாட்டமான வாலிபரைத் தேர்ந்தெடுத்த போலீசார் தண்ணீர் கொடுப்பது மாதிரி சென்று வெங்கடேசை பிடித்துக்கொள்ளுமாறு கூறினர்.

அதே போல அந்த வாலிபர் மேலே சென்று வெங்கடேசைக் கட்டிப் பிடித்துக் கொண்டார். உடனே மேலே ஏறிய தீயணைப்புப்படையினர் வெங்கடேசை அமுக்கிப் பிடித்து கீழே கொண்டு வந்தனர்.

அப்போது மணி 11. கிட்டத்தட்ட 4 மணி நேரம் டெலிபோன் டவரில் நின்று ஊரையே கலங்கடித்துவிட்டார் வெங்கடேஷ்.

Mail this to a friend  Post your feedback  Print this page 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

lok-sabha-home

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more