ஆகஸ்டு 9ல் காவிரி கண்காணிப்புக் குழு கூடுகிறது: தமிழகம் பங்கேற்பு
டெல்லி:
உச்ச நீதிமன்றத்தின் உத்தரவிற்கேற்ப வரும் 9ம் தேதி காவிரி கண்காணிப்புக் குழு கூடுகிறது. இந்தக் கூட்டத்தில்தமிழகமும் பங்கேற்கிறது.
ஆகஸ்டு 12ம் தேதிக்குள் இந்தக் கண்காணிப்புக் குழு கூட வேண்டும் என்றும் அதன் பிறகு ஒரு வாரத்திற்குள்தமிழக மற்றும் கர்நாடக அணைகளில் நீர் இருப்பை ஆய்வு செய்து பிரதமர் வாஜ்பாய் தலைமையிலான காவிரிஆணையத்திடம் இந்தக் குழு அறிக்கை சமர்ப்பிக்க வேண்டும் என்று உச்ச நீதிமன்றம் கடந்த ஜூலை 29ம் தேதிஉத்தரவிட்டது.
அதன்படி வரும் 9ம் தேதி காவிரி கண்காணிப்புக் குழு டெல்லியில் கூடுகிறது. தமிழகம், கர்நாடகம், கேரளா மற்றும்பாண்டிச்சேரி மாநில தலைமைச் செயலர்கள் இந்தக் கூட்டத்தில் கலந்து கொள்வார்கள் என்றுஎதிர்பார்க்கப்படுகிறது.
ஆனால் காவிரி ஆணையமும் கண்காணிப்புக் குழுவும் செயலற்றுப் போய்விட்டதால் அவை நடத்தும்கூட்டங்களில் இனி தமிழகம் பங்கேற்கப் போவதில்லை என்று கடந்த மாதம் 10ம் தேதி தமிழக முதல்வர்ஜெயலலிதா கூறியிருந்தார்.
இந்நிலையில் ஜூலை 29ம் தேதி உச்ச நீதிமன்றத் தீர்ப்பின் அடிப்படையில் காவிரி கண்காணிப்புக் குழுவின்கூட்டத்தில் கலந்து கொள்ள தமிழக அரசு முடிவு செய்துள்ளது. வரும் 9ம் தேதி நடக்கவுள்ள கண்காணிப்புக் குழுக்கூட்டத்தில் தமிழக அரசின் தலைமைச் செயலாளரான சுகவனேஸ்வர் கலந்து கொள்வார் என்றும்எதிர்பார்க்கப்படுகிறது.
மேலும் வரும் 16ம் தேதிக்குள் காவிரி கண்காணிப்புக் குழு தமிழக மற்றும் கர்நாடக அணைகளின் நீர் இருப்பைஆய்வு செய்து அறிக்கையைச் சமர்ப்பித்த பிறகு நடக்கும் காவிரி ஆணையக் கூட்டத்திலும் ஜெயலலிதா கலந்துகொள்வார் என்று தமிழக அரசு வட்டாரங்கள் நேற்று தெரிவித்தன.
தமிழக அமைச்சரவை கூட்டம் ஒத்திவைப்பு:
இதற்கிடையே இது தொடர்பாக இறுதி முடிவெடுப்பதற்காக இன்று கூடவிருந்த தமிழக அமைச்சரவை கடைசிநேரத்தில் ஒத்திவைக்கப்பட்டது.
காவிரி ஆணையக் கூட்டத்திலும் கண்காணிப்புக் குழு கூட்டத்திலும் தமிழகம் கலந்து கொள்வது குறித்துஆலோசனை செய்வதற்காக தமிழக அமைச்சரவை இன்று பகல் 12.15 மணிக்கு சென்னையில் கூடும் என்றுஅறிவிக்கப்பட்டது.
ஆனால் இந்த அமைச்சரவைக் கூட்டம் கடைசி நேரத்தில் ஒத்திவைக்கப்பட்டது. அமைச்சரவை மீண்டும் கூடும்தேதி குறித்து அறிவிக்கப்படவில்லை.
-
திருப்பூரில் இப்படியும் ஒரு புருஷன்.. எந்த கணவனும் செய்யக்கூடாத காரியம்.. ஆடிப்போன மனைவி -
நியூசிலாந்து தொடரால் உடைந்துவிட்டேன்.. கிரிக்கெட் கடவுள் செய்த அட்வைஸ்.. நெகிழும் சஞ்சு சாம்சன்! -
90, 60, 55, 25: தமிழகத்தின் அடுத்த முதல்வர் இவர்தான்? 2 துணை முதல்வர்கள் யார்? பலே பாஜக.. அப்ப விஜய் -
வாடகை வீடுகளில் வசிக்கிறீங்களா? வந்தது 'பம்பர்' பரிசு.. மத்திய அரசின் புது வாடகை விதி! நோட் பண்ணுங்க -
பாஜக - தவெக கூட்டணி உருவாகிறதா? திமுகவை வீழ்த்த பம்பர் ஆஃபர் 60 சீட், மெகா பொறுப்பு? டெல்லி பலே மூவ் -
மக்கள் நீதி மய்யம் இப்படி கேட்கும்ன்னு நினைக்கவே இல்லையே.. ஒரு செகண்ட் ஸ்டன் ஆன திமுக.. என்னாச்சு? -
ரொம்ப ஓவர்.. டி20 உலகக்கோப்பை வெற்றிக்கு பின்.. மைதானத்தில் காதலியுடன் எல்லை மீறிய ஹர்திக் பாண்டியா! -
"இந்த" 2 பேருக்கு நன்றிக்கடன் பட்டுள்ளேன்.. டி20 உலக கோப்பை வெற்றிக்கு பின் கம்பீர் சொன்ன வார்த்தை -
கருணாஸ் பாஜகவுக்கு விட்ட சவால்.. "இந்து மதமே கிடையாது" அதிர்ச்சியில் உறைந்த இந்து முன்னணி! -
நாலாபக்கமும் நெருக்கடி.. பாஜக கூட்டணிக்கு வருகிறாரா விஜய்? நயினார் நாகேந்திரனே கொடுத்த பதில் -
பாஜக கூட்டணி வர்றீங்களா? இல்ல கடையை சாத்துறீங்களா? விஜய்க்கு டெல்லி டெட்லைன்.. சிபிஐ பிடியில் தவெக! -
விஜய்க்கு இரட்டை அதிர்ச்சி.. சினிமா, அரசியல் இரண்டிலும் ஒரே நாளில் விழுந்த பேரிடி












Click it and Unblock the Notifications