ஈராக்கின் 2,500 ரிபப்ளிகன் கார்ட் படைகள் சரண்?

பாக்தாத்:

பாக்தாத் நோக்கி முன்னேறிச் செல்லும் அமெரிக்கப் படைகளிடம் ஈராக்கின் முக்கியப் படையான ரிபப்ளிகன் கார்ட் படைப்பிரிவைச் சேர்ந்த 2,500 பேர் தங்களிடம் சரணடைந்துவிட்டதாக பென்டகன் கூறியுள்ளது.

விமான நிலையத்தைக் கைப்பற்ற கடும் சண்டை நடந்து வருவதாகவும் இதைப் பாதுகாக்க வந்த ஒரு ஈராக்கியப் படைப் பிரிவுஒட்டுமொத்தமாக தங்களிடம் சரணடைந்துவிட்டதாகவும் அமெரிக்கா கூறியுள்ளது.

சதாம் உரை:

இதற்கிடையே இன்று ஈராக்கிய மக்கள், வீரர்களுக்கு தகவல்துறை அமைச்சர் சைத் அல் சகாப் மூலமாக ஒரு செய்தியை அதிபர்சதாம் ஹூசேன் வெளியிட்டார். அதை சகாப் ஈராக்கிய டிவியில் படித்தார்.

அதில், நம் தலைநகரை நோக்கி வரும் அமெரிக்க- பிரிட்டிஷ் படைகளை விரட்டி அடியுங்கள். நமது தலைநகருக்குள் நுழைந்தால்அவர்களை சுற்றி வளைத்துத் தாக்குங்கள். உங்களது வாள்களை உருவிக் கொண்டு வீதிகளுக்கு வாருங்கள். இந்தஊடுருவல்காரர்களை இரவும் பகலும் தாக்குங்கள். இறைவன் துணையோடு வென்று காட்டுவோம்.

இந்தப் போர் நமது நாட்டின் தலையெழுத்தையும் அமெரிக்கா- பிரிட்டனின் தலையெழுத்தையும் மாற்றிக் காட்டப் போகிறது.போர்களில் தலைநகரங்களின் பங்கு மிக முக்கியமானது. தலைநகர் வென்றால் தேசமே வெல்லும் என்று கூறியுள்ளார்.

-->