பெங்களூரிலிருந்து சென்னை, நெல்லைக்கு தீபாவளி சிறப்பு ரயில்கள்

பெங்களூர்:

தீபாவளியையொட்டி பயணிகளின் கூட்ட நெரிசலை சமாளிக்க பெங்களூரிலிருந்து சென்னை மற்றும்நாகர்கோவிலுக்கு சிறப்பு ரயில்கள் விட தென்மேற்கு ரயில்வே ஏற்பாடு செய்துள்ளது.

பெங்களூர் - சென்னை சென்ட்ரல் சிறப்பு ரயில்:

இந்த சிறப்பு ரயில் பெங்களூர் சிட்டி ரயில் நிலையத்திலிருந்து நாளை (22 ம் தேதி) இரவு 11:45 மணிக்கு புறப்பட்டுவியாழக்கிழமை ( 23 ம் தேதி) காலை 8:05 மணிக்கு சென்னையை அடையும்.

இந்த ரயில் வியாழக்கிழமை இரவு 11:20 மணிக்கு சென்னை சென்ட்ரலிலிருந்து புறப்பட்டு 24ம் தேதி,வெள்ளிக்கிழமை, காலை 7:35 மணிக்கு பெங்களூர் வந்து சேரும்.

இதேபோல தீபாவளிக்கு முதல் தினமான 23ம் தேதி இரவு 8:45 மணிக்கு பெங்களூர் சிட்டி ரயில் நிலையத்திலிருந்துஇன்னொரு ரயில் புறப்படும். இந்த ரயில் 24 ம் தேதி அதிகாலை 4 மணிக்கு சென்னை சென்ட்ரல் ரயில் நிலையத்தைஅடையும்.

இது 26 ம் தேதி, ஞாயிற்றுக்கிழமை, இரவு 11:20 மணிக்கு சென்னை சென்ட்ரலிலிருந்து புறப்பட்டு 27ம், தேதிதிங்கள்கிழமை, காலை 7:35 மணிக்கு பெங்களூரை வந்தடையும்.

பெங்களூர் - நாகர்கேவில் சிறப்பு ரயில்:

இந்த ரயில் பெங்களூர் சிட்டி ரயில் நிலையத்திலிருந்து நாளை (புதன்கிழமை) மாலை 5:45 க்கு புறப்பட்டு 23ம்தேதி, காலை 10:30 மணிக்கு நாகர்கோவிலை அடையும்.

இந்த ரயில் ஓசூர், தருமபுரி, சேலம், ஈரோடு, கரூர், திண்டுக்கல், மதுரை, விருதுநகர், நெல்லை வழியாக செல்லும்.

இந்த ரயில் மீண்டும் அங்கிருந்து 25 ம் தேதி மாலை 3:30 மணிக்கு புறப்பட்டு 26 ம் தேதி காலை 9 மணிக்குபெங்களூர் சிட்டிக்கு வந்து சேரும்.