டெல்லி விரைகிறார் புதுவை முதல்வர் ரங்கசாமி

சென்னை:

புதுவை காங்கிரஸ் குழப்பம் மற்றும் நாடாளுமன்றத் தேர்தல் தொடர்பாக கட்சித் தலைவர் சோனியா காந்தியுடன்விவாதிக்க அம்மாநில முதல்வர் ரங்கசாமி இன்று டெல்லி செல்கிறார்.

புதுவை காங்கிரஸிலிருந்து கண்ணன் விலகியுள்ளார். அதேபோல அவரது ஆதரவாளர்களான அமைச்சர்கள்லட்சுமி நாராயணன், ஏழுமலை ஆகியோரும் ராஜினாமா செய்துள்ளனர். மேலும் 2 எம்.எல்.ஏக்களும் விலகும்நிலையும் உள்ளது.

மேலும், புதுவை எம்.பி. தொகுதியை காங்கிரஸுக்கு ஒதுக்காமல் பா.ம.கவுக்கு திமுக தாரை வார்த்துள்ளது.இதனால் ஏற்பட்டுள்ள குழப்ப நிலை காரணமாக புதுவை காங்கிரஸ் வட்டாரம் கலக்கமடைந்துள்ளது.

இந்தப் பிரச்சினைகள் குறித்து கட்சித் தலைவர் சோனியா காந்தியுடன் விவாதிக்க புதுவை முதல்வர் ரங்கசாமிஇன்று டெல்லி செல்கிறார்.