இலங்கைக்கு கப்பல் போக்குவரத்து: நழுவ விட்டது தமிழகம், தட்டிச் சென்றது கேரளா!

சென்னை:

தூத்துக்குடி, கொழும்பு இடையிலான பயணிகள் கப்பல் போக்குவரத்து காணல் நீராகி விட்டது.

தற்போது திருவனந்தபுரம்-கொழும்புவுக்கு இடையே கப்பல் போக்குவரத்தை மேற்கொள்ள இலங்கை அரசு முடிவுசெய்துள்ளது.

தமிழக அரசு மற்றும் சில அரசியல் கட்சிகளின் எதிர்ப்பு காரணமாக இந்த துரதிர்ஷ்டவசமான நிலைஏற்பட்டுள்ளது. இதனால் தமிழக சுற்றுலா வளர்ச்சி பெரும் சரிவையும், கேரள மாநில சுற்றுலா பெரும்வளர்ச்சியையும் காணும் சூழ்நிலை உருவாகும் என கூறப்படுகிறது.

அத்தோடு இலங்கை-தமிழகம் இடையிலான தமிழர்களின் பயணம் உள்பட பல நல்ல விஷயங்கள் கடலிலேயேமூழ்கடிக்கப்பட்டுள்ளன.

தமிழகத்தின் சுற்றுலா வளர்ச்சி, வியாபாரம் ஆகியவற்றை வளர்க்கும் விதத்தில் கொழும்புக்கும், தூத்துக்குடிக்கும்இடையே கப்பல் போக்குவரத்தை மீண்டும் துவங்க இலங்கை அரசு யோசனை தெரிவித்தது. அதன்அடிப்படையில் பூர்வாங்கப் பணிகளும் தொடங்கின. கப்பல் போக்குவரத்து விரைவில் தொடங்கும் என்று கூடஅறிவிக்கப்பட்டது.

இந் நிலையில் கொழும்பு-தூத்துக்குடி கப்பல் போக்குவரத்துக்கு தமிழகத்தில் எதிர்ப்பு கிளம்பியது.

இந்தத் திட்டத்தால் சேது முசத்திரத் திட்டப் பணிகள் பாதிக்கும் என்று கூறி அரசியல் கட்சிகள் எதிர்ப்புதெரிவித்தன. இதனால் இலங்கை அரசு இந்தத் திட்டத்தை ரத்து செய்து விட்டது. தற்போது கொழும்புவுக்கானபயணிகள் கப்பல் போக்குவரத்து கேரளாவுக்கு சென்று விட்டது.

கேரள மாநலத் தலைநகர் திருவனந்தபுரம் அருகே உள்ள விழிஞம் துறைகத்திலிருந்து கொழும்புவுக்கு பயணிகள்கப்பல் சேவை நடைபெறவுள்ளது. இதற்கான அனுமதியை கொழும்பைச் சேர்ந்த கோல்டன் குரூய்ஸ் லைன் என்றநிறுவனம் பெற்றுள்ளது.

வரும் மார்ச் 1ம் தேதி முதல் இந்த கப்பல் சேவை தொடங்குகிறது. முழுவதும் குளிர்சாதன வசதி செய்யப்பட்டகப்பல் இயக்கப்படவுள்ளது. ஒரு மணி நேரத்திற்கு 40 கடல் மைல் வேகத்தில் இந்தக் கப்பல் பயணிக்கும்.

இதனால் திருவனந்தபுரம்-கொழும்பு பயண நேரம் 5 மணி நேரத்திற்கும் குறைவாகவே இருக்கும் என்றுஅறிவிக்கப்பட்டுள்ளது.

தமிழகத்திற்குக் கிடைத்த வாய்ப்பு கேரளாவுக்கு போயுள்ளதால் தமிழக சுற்றுலா வளர்ச்சி பாதிக்கப்படும் என்றுகூறப்படுகிறது. இந்தக் கப்பல் சேவை நமக்குக் கிடைத்திருந்தால் ரூ. 3,500 செலவிலேயே கொழும்பு நகருக்குப்போய் திரும்ப முடியும்.

மேலும் விசா கட்டுப்பாடுகளையும் தளர்த்துவதாக இலங்கை அரசு உறுதியளித்திருந்தது குறிப்பிடத்தக்கது.