கேட்டது 12.. கிடைச்சது 7...: கழற்றிவிடப்பட்ட அரசர்

சென்னை:

முதல்வர் ஜெயலலிதா விதித்த நிபந்தனைகளை ஏற்பதாக பா.ஜ.க. தலைவரும் மத்திய அமைச்சருமான சுஷ்மாசுவராஜ் நேரில் வந்து தெரிவித்ததையடுத்து இன்று அக் கட்சிக்கு இடங்கள் ஒதுக்கப்பட்டன.

முன்னதாக இன்று காலை ராதாகிருஷ்ணன், இல.கணேசன், சுகுமாறன் நம்பியார் ஆகியோர் அடங்கிய பா.ஜ.கதேர்தல் குழுவும், அமைச்சர்கள் பன்னீர்செல்வம், பொன்னையன், ஜெயக்குமார் ஆகியோர் அடஙகிய அதிமுகதேர்தல் குழுவும் மீண்டும் சந்தித்துப் பேசி தொகுதி உடன்பாட்டில் கையெழுத்திட்டது.

புதுக்கோட்டை உள்பட பல்வேறு விவகாரங்களால் அதிமுக, பா.ஜ.க. இடையே தொகுதி உடன்பாடு ஏற்படுவதில்சிக்கல் நீடித்து வந்தது. இந்தத் தேர்தல் குழுவினர் பலமுறை சந்தித்துப் பேசியும் முடிவு ஏற்படவில்லை. இந்நிலையில் பிரதமர் தலைமையில் கூடிய பா.ஜ.க. அரசியல் விவகாரக் குழு அதிமுகவின் நிபந்தனைகளை ஏற்பதுஎன்று முடிவு செய்தது.

இக் கூட்டத்தில் எடுக்கப்பட்ட முடிவுகளோடு நேற்றிரவு மத்திய அமைச்சர் சுஷ்மா சுவராஜ் சென்னை வந்தார்.பின்னர் ஜெயலலிதாவை அவரது போயஸ் தோட்ட இல்லத்தில் சந்தித்துப் பேசினார்.

நிபந்தனைகளுக்கு உட்படுவதாக பா.ஜ.க. தரப்பில் உறுதிமொழி தரப்பட்டதையடுத்து இன்று அக் கட்சிக்குஇடங்களை ஒதுக்குவதாக ஜெயலலிதா அறிவித்தார். இச் சந்திப்பின்போது தமிழக பா.ஜ.க. தலைவர்ராதாகிருஷ்ணனும் பவ்யமாக உடனிருந்தார்.

மேலும் இன்று ஜெயலலிதாவுடன் துணைப் பிரதமர் அத்வானியும், பா.ஜ.க. தலைவர் வெங்கைய்யா நாயுடுவும்தொலைபேசியில் பேசியதாகவும் தெரிகிறது. அதன் பின்னர் அந்தக் கட்சிக்கான தொகுதிகளை ஜெயலலிதாஅறிவித்துள்ளார்.

12 தொகுதிகள் வரை கேட்ட பா.ஜ.கவுக்கு 7 தொகுதிகள் ஒதுக்கப்பட்டுள்ளது. இதில் நாம் ஏற்கனவேகுறிப்பட்டத்தைப் போல புதுக்கோட்டை தொகுதி இல்லை.

ராதாகிருஷ்ணனுக்கு திருப்தி:

கூட்டணியில் தங்களுக்கு ஒதுக்கப்பட்ட தொகுதிகள் திருப்தியளிப்பதாக பா.ஜ.க. மாநிலத் தலைவர்ராதாகிருஷ்ணன் கூறினார்.

தொகுதிகளை ஜெயலலிதா அறிவித்த பின் நிருபர்களிடம் அவர் பேசுகையில், இதில் எங்களுக்கு முழுத் திருப்திதான் என்றார்.

புதுக்கோட்டை கிடைக்கவில்லையே என்று நிருபர்கள் கேட்டபோது, கூட்டணி என்று வந்துவிட்டால் விட்டுக்கொடுத்து தானே போக வேண்டும். இந்த 7 தொகுதிகளுக்குமான வேட்பாளர் பட்டியலை கட்சித் தலைமைவெளியிடும் என்றார்.

எப்படியோ பா.ஜ.கவால் திருநாவுக்கரசர் விட்டுக் கொடுக்கப்பட்டுவிட்டார்.