மதுரை ரசிகர்களின் தபால் பிரசாரம்
மதுரை:
பாண்டிச்சேரி வாக்காளர்களிடம் தபால் அட்டை மூலம் பா.ஜ.க. வேட்பாளருக்கு ஆதரவு திரட்டும் முயற்சியில்இறங்கியுள்ளனர் மதுரை மாவட்ட ரஜினி ரசிகர்கள்.
பாமகவுக்கு எதிராக ரஜினி ரசிகர்கள் முழு வீச்சில் களம் இறங்கியுள்ளனர். பாமக போட்டியிடும் 6 தொகுதிகளிலும்அதிமுக, பா.ஜ.க. வேட்பாளர்களுக்கு ஆதரவாக, தமிழகத்தின் பல பகுதிகளிலும் உள்ள ரசிகர்கள், பல்வேறுவழிகளிலும் பிரசாரத்தை மேற்கொண்டு வருகின்றனர்.
மதுரை மாவட்ட ரஜினி ரசிகர்கள் புதுமையான முறையில் பிரசாரம் மேற்கொண்டுள்ளனர். புதுவையில்போட்டியிடும் பா.ஜ.க. வேட்பாளர் லலிதா குமாரமங்கலத்திற்கு வாக்களிக்குமாறு கோரி 1 லட்சம் அஞ்சல்அட்டைகளை அனுப்ப முடிவு செய்துள்ளனர்.
புதுவை தொகுதியில் உள்ள ஒரு லட்சம் வாக்காளர்களுக்கு அஞ்சல் அட்டைகளை அனுப்புவதே ரசிகர்களின்திட்டம். முதல் கட்டமாக தற்போது 10,000 வாக்காளர்களுக்கு அஞ்சல் அட்டைகளை மதுரை ரசிகர்கள் அனுப்பிஉள்ளனர்.
மேலும் புதுவை உள்ளிட்ட பாமக போட்டியிடும் 6 தொகுதிகளிலும் ரத யாத்திரை நடத்துவது என்றும், அதைதொடங்கி வைக்க ரசிகர் மன்றத் தலைவர் சத்யநாராயண ராவை அழைப்பது என்றும் ரசிகர்கள் முடிவுசெய்துள்ளனர்.