இலங்கை தேர்தல்: சந்திரிகா கட்சி முன்னணி

கொழும்பு:

இலங்கை நாடாளுமன்றத் தேர்தல் ஓட்டு எண்ணிக்கையில் அதிபர் சந்திரிகா குமாரதுங்காவின் இடது சாரிகூட்டணி முன்னிலை வகித்து வருகிறது.

இலங்கை நாடாளுமன்றம் கலைக்கப்பட்டதையடுத்து நேற்று தேர்தல் நடந்தது. இதில் 75 சதவீதம் வாக்குகள்பதிவாயின. வாக்கு எண்ணும் பணி தொடர்ந்து நடைபெற்று வருகிறது.

இதுவரை எண்ணப்பட்ட 3.7 மில்லியன் வாக்குகளில், சந்திரிகாவின் ஐக்கிய மக்கள் சுதந்திர முன்னணி 1.56மில்லியன் வாக்குகள் பெற்றுள்ளது. பிரதமர் ரணில் விக்கரமிசிங்கேயின் ஐக்கிய தேசிய முன்னணி 1.3 மில்லியன்வாக்குகளைப் பெற்றுள்ளது.

தமிழ் தேசிய கூட்டமைப்பு 450,000 வாக்குகளைப் பெற்றுள்ளது. தொடர்ந்து வாக்குகள் எண்ணப்பட்டுவருகின்றன. இன்று மாலைக்குள் அனைத்து தொகுதிகளுக்கும் தேர்தல் முடிவுகள் அறிவிக்கப்படும் என்றுகூறப்படுகிறது.