11ம் தேதி குடும்பத்துடன் ரஜினி ரசிகர்கள் உண்ணாவிரதம்!

சென்னை:

மதுரையில் ரஜினி ரசிகர்கள் தாக்கப்பட்டதற்கு கண்டனம் தெரிவித்து ரஜினிகாந்த் ரசிகர்கள் தங்களதுகுடும்பங்களுடன் சென்னையில் வரும் 11ம் தேதி உண்ணாவிரதப் போராட்டம் நடத்தவுள்ளனர்.

ஏற்கனவே ராமதாசுக்கும் பா.ம.கவுக்கும் எதிராக மதுரை, சேலம் உள்ளிட்ட மாநிலத்தின் பல்வேறு பகுதிகளில்உண்ணாவிரதப் போராட்டம் நடந்தது.

இந் நிலையில் தலைநகர் சென்னையிலும் உண்ணாவிரதப் போராட்டம் நடத்த ரசிகர்கள் முடிவு செய்துள்ளனர்.வரும் 11ம் தேதி சேப்பாக்கம் விருந்தினர் மாளிகை எதிரே குடும்பத்துடன் அவர்கள் உண்ணாவிரதம்இருக்கின்றனர்.

உண்ணாவிரதத்திற்கு அனுமதி கோரி சென்னை மாநகர காவல்துறை ஆணையரிடம் மனு கொடுக்கப்பட்டுள்ளது.