ரஜினியை கட்டாயப்படுத்த மாட்டோம்: இல.கணேசன்

மயிலாடுதுறை:

பாஜக போட்டியிடும் 3 தொகுதிகளிலும் எங்களுக்கு ரஜினிகாந்த் கொடுத்துள்ள ஆதரவுக்கு நன்றி. இருப்பினும்அனைத்துத் தொகுதிகளிலும் ஆதரவு தரும்படி அவரை கட்டாயப்படுத்த மாட்டோம் என்று அகில இந்திய பாஜகசெயலாளர் இல.கணேசன் கூறியுள்ளார்.

மயிலாடுதுறை தொகுதிக்குட்பட்ட திருக்கடையூர் பகுதியில், அதிமுக வேட்பாளர் ஓ.எஸ்.மணியனுக்கு ஆதரவாகஇல.கணேசன் பிரசாரம் செய்தார். அப்போது, ரஜினிகாந்த் எங்களது நண்பர். அவரது முடிவை அவரே எடுப்பார்.அவருக்கு நெருக்குதல் தர மாட்டோம்.

3 தொகுதிகளில் பாஜகவுக்கும், 3 தொகுதிகளில் அதிமுகவுக்கும் ரஜினி ஆதரவு அளித்துள்ளது பாராட்டுக்குரியது.இதற்காக நன்றி. இருப்பினும் அனைத்துத் தொகுதிகளிலும் அவரது ஆதரவைக் கேட்டு கட்டாயப்படுத்தவிரும்பவில்லை. இதுகுறித்து அவரே முடிவெடுப்பார்.

ரஜினி ரசிகர்கள் மீது நடந்த கொலை வெறித் தாக்குதலை திமுக தலைவர் கருணாநிதி கண்டிக்கவில்லை. ஆனால்,பாமக போட்டியிடாத மற்ற 34 தொகுதிகளிலும் ரஜினி ரசிகர்களால் திமுக கூட்டணிக்கு பாதிப்பு வந்து விடக்கூடாது என்பதற்காக, ரஜினியை புகழ்ந்து பேசுகிறார் கருணாநிதி என்றார் கணேசன்.

ரஜினியின் ஆதரவுக்கு நன்றி என்ற அளவோடு பா.ஜ.க. நின்று கொள்வதற்கு முதல்வர் ஜெயலலிதாவின் தீவிரமானரஜினி எதிர்ப்பே காரணம் என்கின்றனர் விஷயம் அறிந்தவர்கள்