ரஜினி சென்னை திரும்புவது எப்போது?

திருவண்ணாமலை:

இப்போது வருகிறார், வந்து கொண்டிருக்கிறார், இதோ வந்துவிட்டார் என்று கர்நாடகத்தில் இருந்துரஜினி சென்னை திரும்புவது குறித்து தினந்தோறும் புதிதாய் செய்திகள் கிடைக்கும் நிலையில் அவர்11ம் தேதி தான் வருகிறார் என சத்யநாராயண ராவ் தெரிவித்துள்ளார்.

ஆனால், அவர் நாளையே சென்னை வந்துவிடுவார் என்றும் கூறப்படுகிறது.

திருவண்ணாமலையில் நிருபர்களைச் சந்தித்த சத்ய நாராயண ராவ்,

பா.ம.க. போட்டியிடும் 6 தொகுதிகளிலும் ரசிகர்கள் அந்தக் கட்சிக்கு எதிராக வேலை பார்ப்பார்கள்.மற்ற இடங்களில் உள்ள ரசிகர்களின் உணர்வும் அதே மாதிரித்தான் (திமுக கூட்டணிக்கு எதிராக)உள்ளது. இதனால் அவர்கள் மனம்போல் செயல்படுவார்கள்.

ரஜினி 11ம் தேதி சென்னை திரும்புகிறார். வந்தபிறகு அவரே பேசுவார். இப்போதைக்குசொல்வதற்கு வேறெதுவும் இல்லை என்றார்.

அதே தினத்தில் தான் சென்னையில் ரஜினி ரசிகர்கள் குடும்பத்துடன் உண்ணாவிரதம் இருக்க முடிவுசெய்துள்ளனர் என்பது குறிப்பிடத்தக்கது.

இந் நிலையில் ரஜினி நாளையே சென்னை திரும்பக் கூடும் என்றும் கூறப்படுகிறது.