திமுக வேட்பாளர் சுப்புலட்சுமி சொத்து விவரம்

கோவை:

திமுக சார்பில் திருச்செங்கோட்டில் போட்டியிடும் சுப்புலட்சுமி ஜெகதீசன் தன்னிடம் கார் கூட இல்லை என்றும்தேர்தல் கமிஷனிடம் தெரிவித்துள்ளார்.

இன்று தனது வேட்பு மனுவைத் தாக்கல் செய்த அவர், அதில் குறிப்பிட்டுள்ள சொத்து விவரம் வருமாறு:

எனக்கு ரூ. 80,000 மதிப்புள்ள 20 பவுன் நகைகள் உள்ளன. கையில் ரூ. 28,500 பணம் வைத்திருக்கிறேன். கணவர்ஜெகதீசனிடம் ரூ. 17,450 உள்ளது. சக்தி சுகர்ஸ் நிறுவனத்தில் நாங்கள் இருவரும் ரூ. 6.62 லட்சம் முதலீடுசெய்துள்ளோம்.

ஈரோடு ஐசிஐசிஐ வங்கியில் உள்ள என் கணக்கில் ரூ. 14,000மும் சென்னை இந்தியன் ஓவர்சீஸ் வங்கியில் ரூ.29,225ம் உள்ளது. ஈரோட்டில் உள்ள யு.டி.ஐ. வங்கியின் என் கணவர் ரூ. 9,500யையும், கூட்டுறவு வங்கியில் ரூ.8,200ம், யுனியன் பேங்க் ஆப் இந்தியாவில் ரூ. 5,500ம் வைத்துள்ளார்.

எம்.எப்.எல். நிறுவனத்தில் 1,500 பங்குகள் வைத்துள்ளேன். யூனியன் பேங்க் ஆப் இந்தியாவின் 400 பங்குகளும்,கே.எம்.சி.எச். நிறுவனத்தின் 100 பங்குகளும் வைத்துள்ளேன். அதே போல என் கணவரும் இந்த நிறுவனங்களில்பங்குகள் வாங்கியுள்ளார்.

என்னிடம் கார் ஏதும் இல்லை. என் கணவரிடம் தான் ரூ 1.5 லட்சம் மதிப்புள்ள சியல்லோ கார் உள்ளது.ஜே.எஸ்.ஜே. ஜோலி கிரஸ்ஸர் நிறுவனத்தில் நான் ரூ. 1 லட்சமும் என் கணவர் ரூ. 2 லட்சமும் முதலீடுசெய்துள்ளோம்.

எனக்கு 7.10 ஏக்கர் நிலமும் என் கணவருக்கு 15.14 ஏக்கர் விவசாய நிலமும் சொந்தமாக உள்ளது. மேலும் என்கணவருக்கு 24.83 தரிசு நிலமும் ஈரோட்டில் சொந்தமாக உள்ளது.

எலுவமலை பகுதியில் ரூ 5 லட்சம் மதிப்புள்ள தோட்ட வீடு வைத்திருக்கிறேன். என் கணவருக்கு ஈரோட்டில் ரூ. 23லட்சம் மதிப்புள்ள வர்த்தக கட்டடங்கள் உள்ளன என்று கூறியுள்ளார் சுப்புலட்சுமி.