அத்வானி-ஜெ. ரகசிய ஒப்பந்தத்தால் வாஜ்பாய் வெறுப்பு- வாசன்

சென்னை:

அத்வானியை பிரதமராக்குவதற்கு அவருடன் ஜெயலலிதா ரகசிய ஒப்பந்தம் செய்துகொண்டுள்ளார் என தமிழக காங்கிரஸ் தலைவர் வாசன் கூறியுள்ளார்.

சென்னையில் நிருபர்களிடம் பேசிய அவர்,

கூட்டணிக் கட்சிகளுக்குத் தலைமை தாங்கி ஆட்சி நடத்த விரும்பவில்லை என்று பிரதமர் வாஜ்பாய்கூறியிருக்கிறார். அடுத்த 24 மணி நேரத்தில் தனது பேச்சை வாபஸ் பெற்றிருக்கிறார்.

தானே பிரதமராவதற்கு ஜெயலலிதாவுடன் அத்வானி செய்து கொண்ட ரகசிய உடன்பாடு குறித்து அறிந்து, அதைஜீரணிக்க முடியாமல் தான் வாஜ்பாய் இவ்வாறு மனம் வெறுத்துப் பேசியுள்ளார்.

ஜெயலலிதா போன்ற ஒருவருடன் சேர்ந்து ஆட்சி நடத்த விரும்பவில்லை என்பதைத் தான் வாஜ்பாய் இவ்வாறுமனம் வெறுத்துப் போய் கூறியுள்ளார் என்றார் வாசன்.