ஜெவை விட தரம் தாழ்ந்தவர் யாரும் இல்லை: வைகோ

திண்டிவனம்:

தமிழக முதல்வர்களில் ஜெயலலிதாவை விட தரம் தாழ்ந்து யாரும் பேசியதில்லை என்று மதிமுக பொதுச்செயலாளர் வைகோ கூறியுள்ளார்.

திண்டிவனத்தில் போட்டியிடும் பாமக வேட்பாளர் தன்ராஜுக்கு ஆதரவு தெரிவித்து வைகோ பிரசாரம் செய்தார்.அங்கு நடைபெற்ற பொதுக் கூட்டத்தில் வைகோ பேசுகையில், ஜெயலலிதா அரசிடம் சொல்லிக்கொள்ளும்படியாக சாதனை எதுவும் இல்லை. இதனால்தான் எதிர்க்கட்சியினரை தொடர்ந்து வசை பாடி வருகிறார்.

தமிழக முதல்வர்களில் இதுவரை ஜெயலலிதாவை விட தரம் தாழ்ந்து யாரும் பேசியதில்லை, நடந்துகொண்டதில்லை.

டான்சி வழக்கில் உச்ச நீதிமன்றம் கண்டனம் தெரிவித்த பிறகும் கூட முதல்வர் பதவியில் நீடிப்பதுஜெயலலிதாவுக்கு அழகல்ல என்றார் அவர்.