தென் சென்னையில் மோதும் கோடீஸ்வரர்கள்

சென்னை :

தென் சென்னை தொகுதியில் போட்டியிடும் திமுக வேட்பாளர் டி.ஆர்.பாலு, அதிமுக வேட்பாளர்பதர் சையத் ஆகிய இருவரும் தங்களுக்கு பல கோடி சொத்துக்கள் இருப்பதாக வேட்பு மனுவில்தெரிவித்துள்ளனர்.

வேட்பு மனுக்களோடு சொத்துக் கணக்கையும் அவர்கள் தாக்கல் செய்தனர்.

இதில் டி.ஆர்.பாலு தனக்கு ரூ. 2.2 கோடி அளவுக்கு சொத்துக்கள் இருப்பதாகவும், கையில் ரூ. 3.5லட்சம் ரொக்கமும் கோடம்பாக்கத்தில் ரூ. 1.25 கோடி மதிப்புள்ள பூர்வீக வீடு உள்ளதாகவும் பாலுகுறிப்பிட்டுள்ளார்.

இது தவிர பாலுவின் இரண்டு மனைவிகளில் ஒருவரான பொற்கொடியின் பெயரில் ரூ. 34.34லட்சம் சொத்துக்களும், இரண்டாவது மனைவியான ரேணுகா தேவியின் பெயரில் ரூ. 18.20 லட்சம்மதிப்புள்ள சொத்துக்களும் இருப்பதாகவும் தெரிவித்துள்ளார்.

அதிமுக வேட்பாளர்பதர் சையத் தனக்கு ரூ. 3.78 கோடி அளவுக்கு சொத்துக்கள் இருப்பதாகதெரிவித்துள்ளார். அவரது பெயரில் மட்டும் ரூ. 1.96 கோடி சொத்துக்கள் இருப்பதாகவும், கணவர்ஜாகீர் அகமது சையத் பெயரில் மீத சொத்துக்கள் இருப்பதாகவும் தெரிவித்துள்ளார்.