தமிழக வேட்பாளர்கள், வாக்காளர்கள் - ஒரு அலசல்

சென்னை:

தமிழகத்தில் நாடாளுமன்றத் தேர்தலில் போட்டியிடும் வேட்பாளர்கள் பட்டியல் இறுதி செய்யப்பட்டுள்ளது.மொத்தம் 571 பேர் களத்தில் நிற்கின்றனர்.

வேட்பாளர்கள் குறித்த ஒரு அலசல்:

மொத்தமுள்ள 39 தொகுதிகளில் 571 பேர் களத்தில் நிற்கின்றனர். இவர்களில் 548 பேர் ஆண்கள், 23 பேர்பெண்கள்.

தேசியக் கட்சிகளின் (காங்கிரஸ், பாஜக, கம்யூனிஸ்ட் போன்றவை) சார்பில் 50 வேட்பாளர்கள் களத்தில் உள்ளனர்.

அதிமுக, திமுக, மதிமுக, பா.ம.க. உள்ளிட்ட மாநிலக் கட்சிகளின் சார்பில் 58 பேர் போட்டியிடுகிறார்கள்.அங்கீகரிக்கப்படாத மாநிலக் கட்சிகளின் சார்பில் 72 பேர் போட்டியிட உள்ளனர்.

தமிழகத்திலேயே அதிக அளவாக 35 வேட்பாளர்கள் போட்டியிடும் தென் சென்னை தொகுதியில் ஒவ்வொருவாக்குச் சாவடியிலும் 3 வாக்குப் பதிவு இயந்திரங்கள் பயன்படுத்தப்படவுள்ளது.

வட சென்னை, மத்திய சென்னை, அரக்கோணம், வேலூர், பெரியகுளம் ஆகிய தொகுதிகளில் 2 வாக்குப் பதிவுஇயந்திரங்கள் பயன்படுத்தப்படவுள்ளன.

வாக்குச் சாவடிகளில் ஊனமுற்றவர்களுக்கு தனி கியூ வரிசை ஏற்படுத்தப்பட உள்ளது. ஊனமுற்றவர்கள் நீண்டநேரம் காத்திருந்து வாக்களிப்பதை தவிர்க்கவே இந்த வசதி.

தமிழகத்தில் மொத்தம் 9,000 மின்னணு வாக்குப் பதிவு இயந்திரங்கள் பயன்படுத்தப்படவுள்ளன.

தமிழகத்தில் மொத்தம் 4,72,55,649 வாக்காளர்கள் உள்ளனர். இவர்களில் 2,39,86,470 பேர் பெண்கள்.