• search
For Quick Alerts
ALLOW NOTIFICATIONS  
For Daily Alerts

காவிரி நீரை பெறுவது சோனியா- கருணாநிதி பொறுப்பு: ஜெயலலலிதா

By Staff
|

சென்னை:

காவிரி நீரை தமிழகத்துக்கு பெற்றுத் தருவது காங்கிரஸ் தலைவர் சோனியா காந்தி மற்றும் திமுக தலைவர் கருணாநிதி ஆகியோரது பொறுப்பாகும் என்று முதல்வர் ஜெயலலிதா இன்று கூறியுள்ளார்.

காவிரி ஆணையத்தைக் கூட்ட வேண்டும் என்று பிரதமர் மன்மோகன் சிங்குக்கு ஜெயலலிதா நேற்று கடிதம் எழுதினார். இந் நிலையில் இன்று அவர் வெளியிட்டுள்ள அறிக்கையில் கூறி இருப்பதாவது:

காவிரி நதிநீரை கர்நாடகம் விடுவிக்கக் கோரி தமிழகம் மற்றும் பாண்டிச்சேரியைச் சேர்ந்த 40 நாடாளுமன்ற உறுப்பினர்கள் பிரதமரை சந்திப்பது எனவும், ஜனநாயக முற்போக்குக் கூட்டணியின் தலைவர்கள் அடங்கிய குழு ஒன்று கர்நாடக முதல்வரைச் சந்தித்து உடனடியாக தமிழகத்திற்கு காவிரி நீரை வழங்க வேண்டும் என்று கேட்டுக் கொள்ள இருப்பதாகவும் ஜனநாயக முற்போக்கு கூட்டணி தலைவர்கள் தீர்மானம் நிறைவேற்றியுள்ளனர்.

கடந்த 5 ஆண்டுகளாக மத்தியில் ஆட்சி செய்த தேசிய ஜனநாயகக் கூட்டணி அரசில் அங்கம் வகித்தபோது கருணாநிதியோ, ராமதாசோ, வைகோவோ தமிழகத்திற்கு காவிரி நீர் பெறுவதற்காக ஒரு துரும்பைக் கூட அசைத்ததில்லை.

காவிரி நீர் தொடர்பாக நான் என்ன நடவடிக்கை எடுத்தாலும் அதனைக் குறை கூறுவதைத் தவிர வேறு எதுவும் செய்ததில்லை.

கடந்த 5 ஆண்டுகளில் கர்நாடக மாநிலத்தில் காங்கிரஸ் ஆட்சி அமைத்திருந்த போதிலும், காங்கிரஸ் கட்சியின் தலைவராக சோனியாகாந்தி காவிரி நதிநீர் தொடர்பாக ஒரு சிறிய நடவடிக்கை கூட எடுக்கவில்லை.

திமுக, காங்கிரஸ், பாமக, மதிமுக மற்றும் கம்யூனிஸ்டு கட்சிகளும் காவிரிப் பிரச்சினையில் தமிழகத்திற்கு தொடர்ந்து இழைத்து வரும் துரோகத்தை நாங்கள் சுட்டிக் காட்டியபோதும், இக்கட்சிகளின் கூட்டணிக்கு மக்களவைத் தேர்தலில் பெருவாரியான வாக்குகளை தமிழக மக்கள் வழங்கினர்.

தற்போது காங்கிரஸ் தலைமையிலான கூட்டணி அரசு மத்தியில் அமைந்துள்ளதாலும், கர்நாடகத்தில் மீண்டும் காங்கிரஸ் கட்சியைச் சார்ந்தவரே முதல்வராக உள்ளதாலும், காவிரி நீரில் தமிழ்நாட்டுக்குரிய பங்கைப் பெற்றுத் தரும் பொறுப்பு முன் எப்போதும் இல்லாத அளவுக்கு சோனியாகாந்தி மற்றும் கருணாநிதியை சார்ந்துள்ளது என்பதைக் குறிப்பிட விரும்புகிறேன்.

கர்நாடகத்தில் ஒரு தனிக் கட்சி ஆட்சி செய்தபோதே காவிரி நீர் கிடைக்காதபோது, ஒரு கூட்டணி அரசிடம் இருந்து எப்படி கிடைக்கும் என்று கேட்கப்பட்டபோது சாமுண்டீஸ்வரி அம்மனிடம் தான் கேட்டுக் சொல்ல வேண்டும் என்று கருணாநிதி கூறியிருக்கிறார்.

இத்தகைய இழிவான கருத்துக்களை கருணாநிதி தெரிவிப்பது இது முதல் முறையல்ல. இதற்கு முன்னால் இந்து என்ற சொல்லுக்கு திருடன் என்று பொருள் கூறியிருக்கிறார்.

இந்தியாவின் பெரும்பான்மை மக்களான இந்துக்களின் நம்பிக்கைகளையும், உணர்வுகளையும் புண்படுத்தும் வகையில் கருணாநிதி தொடர்ந்து பேசி வருவது கண்டிக்கத்தக்கது என்பதை நாடாளுமன்றத் தேர்தல் வெற்றியால் அகந்தையும், கர்வமும் நிரம்பி வழியும் கருணாநிதிக்கு நான் தெரிவித்து கொள்ள விரும்புகிறேன்.

கருணாநிதியின் கூட்டணிக்கு ஆதரவாக வாக்களித்தவர்களில் பெரும்பாலோனோர் இந்துக்கள் எனும்போது, அவரது இத்தகைய தாக்குதல்கள் நன்றி கெட்டவையாகவும், இன்னும் அதிகமாக கண்டனத்திற்குரியதாகவும் ஆகின்றன என்று ஜெயலலிதா கூறியுள்ளார்.

Mail this to a friend  Post your feedback  Print this page 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more