மகராஷ்டிரா: முதல்வராக தேஷ்முக் பதவி ஏற்பு

மும்பை:

மகராஷ்டிரா மாநிலத்தின் புதிய முதல்வராக காங்கிரஸ் கட்சியைச் சேர்ந்த விலாஸ்ராவ் தேஷ்முக் இன்று பதவிஏற்றார்.

அண்மையில் நடந்து முடிந்த மகாராஷ்டிரா சட்டபைத் தேர்தலில் காங்கிரஸ், தேசியவாத காங்கிரஸ் கூட்டணிவெற்றி பெற்றது.

இதனையடுத்து முதல்வர் பதவி ஏற்பது தொடர்பாக இரு கட்சிகளுக்கு இடையே கருத்து வேறுபாடு ஏற்பட்டது. பலசுற்று பேச்சுவார்த்தைகளுக்குப் பின், காங்கிரசுக்கு முதல்வர் பதவி என்றும், தேசியவாத காங்கிரஸ் கட்சிக்கு துணைமுதல்வர் பதவி என்றும் முடிவானது.

இதனையடுத்து காங்கிரஸ் கட்சியின் விலாஸ்ராவ் தேஷ்முக் மகாராஷ்டிராவின் 23 வது முதல்வராக இன்றுபதவியேற்றார். அவருக்கு மாநில ஆளுநர் முகமது பஸல் பதவிப் பிரமாணமும், ரகசிய காப்பு பிரமாணமும் செய்துவைத்தார் .

தேஷ்முக்குடன் தேசியவாத காங்கிரஸ் கட்சியின் ஆர்.ஆர்.பாட்டீல் துணை முதல்வராக பொறுப்பேற்றார் .