"அஆ ஷூட்டிங்கில் விபத்து: 6 பேர் படுகாயம்!

சென்னை:

இயக்குநர் எஸ்.ஜே.சூர்யாவின் இயக்கத்தில் உருவாகி வரும்" அ ஆ படப்பிடிப்பின்போது 50 அடி உயரத்திலிருந்துலைட்மேன்கள் 6 பேர் கீழே விழுந்து படுகாயமடைந்தனர். அவர்களில் 3 பேர் நிலை கவலைக்கிடமாக உள்ளதாகதெரிவிக்கப்பட்டுள்ளது.

சூர்யா அவரே இயக்கி, ஹீரோவாக நடித்து வரும் படம் "அ ஆ (முந்தைய பி.எஃப்). இப்படத்தின் படப்பிடிப்பு ஏவி.எம்.ஸ்டுடியோவின் 8வது தளத்தில் நடந்தது. சூர்யாவும், ஹீரோயின் நிலாவும் பங்கேற்ற நடனக் காட்சியை படமாக்கிக்கொண்டிருந்தார்கள்.

நடன இயக்குநர் பிருந்தா நடனக் காட்சியை படமாக்கிக் கொண்டிருந்தார். தளத்தின் மேலே 50 அடி உயரத்தில் பரண் போலஅமைத்து அதில் லைட்மேன்கள் நின்று கொண்டிருந்தனர். அப்போது எதிர்பாராத விதமாக அந்த பரண் சரிந்து விழுந்தது.

இதனால் அங்கு நின்றிருந்த 6 லைட்மேன்களும் கீழே விழுந்தனர். 6 பேரும் படுகாயமடைந்தனர். உடனடியாக வடபழனியில்உள்ள ஒரு தனியார் மருத்துவமனைக்கு 6 பேரும் கொண்டு செல்லப்பட்டனர்.

அவர்களை அவசர சிகிச்சைப் பிரிவில் சேர்த்து சிகிச்சை அளிக்கப்பட்டு வருகிறது. இவர்களில் 3 பேர் நிலை கவலைக்கிடமாகஉள்ளதாக கூறப்படுகிறது.

விபத்து நடந்தபோது எஸ்.ஜே.சூர்யா, புதுமுகம் நிலா, ஒளிப்பதிவாளர் வேணு, டான்ஸ் மாஸ்டர் பிருந்தா ஆகியோர் சரிந்துவிழுந்த பரணின் கீழே நின்று கொண்டிருந்தார்கள்.

அதிர்ஷ்டவசமாக அவர்கள் மீது 6 பேரும் விழவில்லை. இதனால் இவர்கள் காயமின்றி தப்பினார்கள்.