திருமாவளவனை கைது செய்ய பிடிவாரண்ட்

மயிலாடுதுறை:

விடுதலைச் சிறுத்தைகள் பொதுச் செயலாளர் திருமாவளவனை ஜூன் 29ம் தேதிக்குள் கைது செய்து ஆஜர்படுத்துமாறு கூறிமயிலாடுதுறை நீதிமன்றம் பிடிவாரண்ட் பிறப்பித்துள்ளது.

கடந்த 2003ம் ஆண்டு நாகை மாவட்டம் மயிலாடுதுறையில் விடுதலைச் சிறுத்தைகள் சார்பில் பேரணி நடத்தப்பட்டது.அப்போது அனுமதி தரப்படாத பகுதிகளில் பேரணி செல்ல முயன்ற போது போலீஸார் தடுத்து நிறுத்தினர். இதையடுத்துபோலீஸார் மீது தொண்டர்கள் கல்வீசித் தாக்கினர். இதில் 2 இன்ஸ்பெக்டர்கள் உள்பட 11 பேர் காயமடைந்தனர்.

இந்த மோதல் தொடர்பாக திருமாவளவன் உள்ளிட்ட 42 பேர் மீது மயிலாடுதுறை நீதிமன்றத்தில் வழக்குத் தொடரப்பட்டது. இந்தவழக்கு விசாரணைக்கு திருமாவளவன் தொடர்ந்து ஆஜராகாமல் இருந்து வந்தார்.

இந் நிலையில், நேற்று மீண்டும் வழக்கு விசாரணைக்கு வந்தபோது, ஜூன் 29ம் தேதிக்குள் திருமாவளவன் உள்ளிட்ட 4 பேரைகைது செய்து கோர்ட்டில் ஆஜர்படுத்துமாறு கூறி நீதிபதி ஜெயசூர்யா பிடிவாரண்ட் பிறப்பித்து உத்தரவிட்டார்.