கும்மிடிப்பூண்டி: வருகிறது துணை ராணுவப் படை!

கும்மிடிப்பூண்டி:

தேர்தல் பாதுகாப்பிற்காக கும்மிடிப்பூண்டி தொகுதிக்கு துணை ராணுவம் இன்று வருகிறது.

காஞ்சிபுரம் மற்றும் கும்மிடிப்பூண்டி தொகுதி சட்டசபை இடைத்தேர்தலில் பாதுகாப்பு பணியில் துணை ராணுவத்தை ஈடுபடுத்தமுடிவு செய்திருப்பதாக தமிழக தேர்தல் அதிகாரி நரேஷ் குப்தா அறிவித்திருந்தார்.

இதன் படி துணை ராணுவத்தை சேர்ந்த 400 வீரர்கள் (42 கம்பெனி) இன்று கும்மிடிப்பூண்டி வருகிறார்கள். இவர்கள் அனைவரும்பதட்டம் நிறைந்த பகுதிகள் என அறிவிக்கப்பட்டுள்ள 40 இடங்களுக்கு உடனடியாக அனுப்பி வைக்கப்படுவார்கள்.

இவர்கள் தவிர திருவள்ளூர், விழுப்புரம் ஆகிய பகுதிகளில் இருந்து 1200 போலீஸார் கும்மிடிப்பூண்டி வந்துள்ளனர். மேலும்தமிழ்நாடு சிறப்புக் காவல் படையை சேர்ந்த 6 கம்பெனி போலீஸாரும் பாதுகாப்புப் பணியில் ஈடுபடுத்தப்பட உள்ளனர்.

கும்மிடிப்பூண்டி தொகுதியில் மட்டும் மொத்தம் 2500 போலீஸார் பாதுகாப்புப் பணியில் ஈடுபடுத்தப்படுகின்றனர்.