அப்பு மனு மீதான விசாரணை 13ம் தேதிக்கு ஒத்திவைப்பு

சென்னை:

சங்கரராமன் கொலை வழக்கு விசாரணைக்குத் தடை விதிக்கக் கோரி அப்பு மற்றும் கதிரவன் தாக்கல் செய்த மனுக்கள் மீதானவிசாரணையை சென்னை உயர்நீதிமன்றம் வருகிற 13ம் தேதிக்கு தள்ளி வைத்துள்ளது.

சங்கரராமன் கொலை வழக்கின் முக்கியக் குற்றவாளியான அப்பு, சென்னை உயர்நீதிமன்றத்தில் தாக்கல் செய்த மனுவில்,அப்ரூவர் ரவி சுப்ரமணியத்தை குறுக்கு விசாரணை செய்ய எனக்கு போதிய அவகாசம் தரப்படவில்லை. மேலும், எனது தாய்மொழியில் குற்றப்பத்திரிக்கை நகலைக் கோரியும் அது மறுக்கப்பட்டது.

இதன் மூலம் எனது உரிமைகள் மறுக்கப்பட்டுள்ளன. எனவே, செங்கல்பட்டு செஷன்ஸ் நீதிமன்றத்தில் நடந்து வரும் சங்கரராமன்கொலை வழக்கு விசாரணைக்கு தடை விதிக்க வேண்டும் என்று கோரியிருந்தார் அப்பு. இதேபோல கதிரவனும் ஒரு மனுவைத்தாக்கல் செய்திருந்தார்.

இரு மனுக்களையும் இன்று விசாரித்த நீதிபதி தணிகாச்சலம், விசாரணையை வருகிற 13 ம் தேதிக்கு ஒத்திவைத்து உத்தரவிட்டார்.