சிறுமிகள் கற்பழிப்பு: ராதாகிருஷ்ணன் மீது விரைவில் குற்றப் பத்திரிகை

சென்னை:

சிறுமிகளை பாலிலியல் பலாத்காரம் செய்தததாக புகார் கூறப்பட்ட ராதாகிருஷ்ணன் மீது இன்னும் சில தினங்களில் குற்றப்பத்திரிகை தாக்கல் செய்யப்படவுள்ளது.

கஷ்டப்படும் ஏழை மாணவிகளை தத்தெடுப்பதாக கூறி அவர்களை பாலியல் பலாத்காரம் செய்ததாக சென்னை சுங்கத்துறை அதிகாரி ராதாகிருஷ்ணன் கைதுசெய்யப்பட்டார். பின்னர் அவர் குண்டர் சட்டத்தில் சிறையில் அடைக்கப்பட்டார்.

தற்போது ராதாகிருஷ்ணன் மீது குற்றப்பத்திரிகை தயாரிக்கும் பணி தீவிரமாக நடந்து வருகிறது. அவருக்கு எதிரான சாட்சியங்கள் அனைத்தும் சேர்க்கப்பட்டுகுற்றப்பத்திரிகை தயாரிக்கப்படுகிறது. இன்னும் ஒரு சில தினங்களில் இந்தப் பணிகள் முடிவடைந்து விடும் என்று எதிர்பார்க்கப்படுகிறது.

இந்த வாரமே ராதாகிருஷ்ணன் மீது நீதிமன்றத்தில் குற்றப்பத்திரிகை தாக்கல் செய்யப்பட்டு விடும் என்று உயர் போலீஸ் அதிகாரி ஒருவர் தெரிவித்தார்.