சுனாமி நிவாரணம்: சந்திரிகா-நார்வே அமைச்சர் சந்திப்பு, இன்று புலிகளுடன் ஆலோசனை

கொழும்பு:

சுனாமி நிவாரணப் பணிகளை இலங்கை அரசும், விடுதலைப் புலிகளும் இணைந்து மேற்கொள்வது தொடர்பாக நார்வேஅமைதித் தூதர் அதிபர் சந்திரிகாவைச் சந்தித்துப் பேசினார். இன்று அவர் விடுதலைப் புலிகளின் பிரதிநிதிகளை சந்திக்கிறார்.

நார்வே துணை வெளியுறவு அமைச்சரான விடார் ஹெல்ஜெசன் சந்திரிகாவை நேற்று சந்தித்தார். அப்போது சுனாமி நிவாரணப்பணிகளில் புலிகளுடன் இணைந்து செயல்படுவது தொடர்பாக பேசினார்.

புலிகள்- இலங்கை அரசின் இந்த கூட்டு செயல்பாடு மூலம் தடைபட்டு நிற்கும் அமைதிப் பேச்சுக்களை மீண்டும் தொடங்க வைக்கமுடியும் என நார்வே நம்புகிறது.

இன்று ஹெல்ஜெசன் கிளிநொச்சிக்குச் செல்கிறார். அங்கு புலிகளின் தலைவர்களுடன் அவர் ஆலோசனை நடத்துவார்.