சென்னை: பட்டப்பகலில் திமுக எம்எல்ஏ வீட்டில் கொள்ளை

சென்னை:

சென்னையில் இன்று பட்டப்பகலில் திமுக எம்எல்ஏ வைத்தியலிங்கத்தின் வீட்டில் 45 பவுன் நகைகள்கொள்ளையடிக்கப்பட்டன.

திமுக எம்எல்ஏ வைத்தியலிங்கத்தின் வீடு சென்னை மீனம்பாக்கத்தில் உள்ளது. இன்று காலை 11 மணியளவில்வீட்டின் கீழ் தளத்தில் அனைவரும் இருந்துள்ளனர்.

அப்போது வீட்டின் மாடிக்குள் கொள்ளையர்கள் நுழைந்துள்ளனர். அங்கு பீரோவிலேயே அதன் சாவிவைக்கப்பட்டிருந்தது. இது கொள்ளையர்களுக்கு மிகவும் வசதியாகப் போய் விட்டது.

அவர்கள் சாவியின் உதவியுடன் பீரோவைத் திறந்து அதில் வைக்கப்பட்டிருந்த 45 பவுன் நகைகளை எந்தசிரமமும் இல்லாமல் கொள்ளையடித்துச் சென்றனர்.

பட்டப்பகலில், அதுவும் எம்எல்ஏ வீட்டில் நடந்த இந்த கொள்ளை சம்பவம் அந்தப் பகுதியில் பெரும் பரபரப்பைஏற்படுத்தியுள்ளது. இது குறித்து மீனம்பாக்கம் போலீஸார் விசாரணை நடத்தி வருகிறார்கள்.