காமராஜர் வேடத்தில் நடித்த ரிச்சர்ட் மதுரம் மரணம்

சென்னை:

காமராஜரின் வாழ்க்கை வரலாறை விளக்கும் கிங்மேக்கர் படத்தில் காமராஜராக நடித்த ரிச்சர்ட் மதுரம் காலமானார். அவரதுமறைவுக்கு காங்கிரஸ் தலைவர் ஜி.கே.வாசன் இரங்கல் தெரிவித்துள்ளார்.

இதுகுறித்து வாசன் விடுத்துள்ள அறிக்கையில், தமிழகத்தில் பொற்கால ஆட்சி நடத்தி, இந்தியாவின் இரண்டு பிரதமர்களைதேர்வு செய்து சாதனை படைத்த பெருந்தலைவர் காமராஜரின் வாழ்க்கை வரலாற்றை விளக்கும் கிங் மேக்கர் படத்தில்காமராஜராக நடித்த ரிச்சர்ட் மதுரம் மறைந்த செய்தி கேட்டு துயருற்றேன்.

இன்றைய இளைஞர்களுக்கு காமராஜரின் வாழ்க்கையை நினைவு கூறும் வகையில், அவரது பெரும் செயல்களை மனதில் பதியும்வகையில், காமராஜரைப் போலவே தத்ரூபமாக நடித்து சாதனை படைத்த அவரது மறைவு பேரிழப்பாகும்.

ரிச்சர்ட் மதுரத்தின் மறைவால் வாடும் அவரது குடும்பத்தினருக்கு எனது இரங்கல்களைத் தெரிவித்துக் கொள்கிறேன் என்றுகூறியுள்ளார் வாசன்.