மன்மோகன் சிங்குக்கு பிறந்த நாள்

சென்னை:

பிரதமர் மன்மோகன் சிங்கின் பிறந்தநாளையொட்டி அவருக்கு முதல்வர் ஜெயலலிதா, திமுக தலைவர் கருணாநிதிஆகியோர் வாழ்த்துத் தெரிவித்துள்ளனர்.

மன்மோகன் சிங் இன்று தனது 73வது பிறந்த நாளைக் கொண்டாடுகிறார்.

இதையொட்டி அவருக்கு ஜெயலலிதா வாழ்த்துக் கடிதம் அனுப்பியுள்ளார்.

அதில், நாட்டுக்கும் நாட்டு மக்களுக்கும் மேலும் பல ஆண்டுகள் நல்ல உடல் நலத்துடன் பணியாற்றிடஇறைவனைப் பிரார்த்திப்பதாக தெரிவித்துள்ளார்.

கருணாநிதி அனுப்பியுள்ள வாழ்த்துச் செய்தியில், உங்கள் தலைமையில் நாடு பல வகையான நன்மைகளைஅடைந்துள்ளது. உலக அரங்கில் இந்தியாவுக்கு நற்பெயரை ஈட்டித் தந்துள்ளீர்கள்.

மக்களின் கனவுகளில் மட்டுமே குடிகொண்டிருந்த பல திட்டங்களுக்கு செயல்வடிவம் தந்த நீங்கள் பல்லாண்டுவாழ்ந்து மக்கள் பணி ஆற்ற வேண்டும் என்று கூறியுள்ளார்.