குஷ்பு: நடிகர் சங்கம் அவசர ஆலோசனை

நடிகை குஷ்பு சர்ச்சை உள்ளிட்ட பல முக்கிய விஷயங்கள் குறித்து விவாதிக்க நடிகர் சங்கத்தின் செயற்குழுக்கூட்டம் இன்று சென்னையில் அவசரமாகக் கூடுகிறது.

திருமணத்திற்கு முன்பு செக்ஸ் உறவு வைத்துக் கொள்வதில் தவறில்லை. தாங்கள் திருமணம் செய்யப் போகும்பெண் கன்னித்தன்மை கொண்டவளாக இருப்பாள் என்று எந்தப் படித்த ஆணும் நினைக்க மாட்டான் என்றுஇந்தியா டுடே வார இதழுக்கு குஷ்பு அளித்த பேட்டி பெரும் விவகாரமாக வெடித்துள்ளது.

விடுதலைச் சிறுத்தைகள் அமைப்பு இந்த விவகாரத்தை கையில் எடுத்துக் கொண்டுள்ளது. ஜனநாயக ற்போக்குக்கழகம், பாமக ஆகியவையும் இப்பிரச்சினையில் குஷ்பு பகிரங்க மன்னிப்பு கேட்க வேண்டும், தமிழகத்தை விட்டுஅவர் வெளியேற்றப்பட வேண்டும் என்று கோரி போராட்டத்தில் குதித்துள்ளன.

மேலும் நடிகர் சங்க உறுப்பினர் பதவியில் இருந்து குஷ்புவை நீக்க வேண்டும் என்று கோரி வழக்கும்தொடரப்பட்டுள்ளது.

கொடும்பாவி எரிப்பு, வீடு முன்பு ஆர்ப்பாட்டம், கோர்ட்டில் வழக்கு என குஷ்புவுக்கு நெருக்கடி முற்றியதால்அதிர்த்து போன அவர் கண்ணீர் மல்க மன்னிப்பு கேட்டுள்ளார்.

இந் நிலையில் குஷ்பு விவகாரம் தொடர்பாக விவாதிக்க நடிகர் சங்கத்தின் செயற்குழுக் கூட்டம் இன்று கூடுகிறது.

நடிகர் சங்கத் தலைவர் விஜயகாந்த், பொதுச் செயலாளர் சரத்குமார் உள்ளிட்ட அனைத்து உறுப்பினர்களும்கூட்டத்தில் கலந்த கொள்கின்றனர். இக்கூட்டத்தில் நடிகர் சங்கம் அருகே விடுதலைச் சிறுத்தைகள் நடத்தியபோராட்டம், சங்கத்தின் மீது துடைப்பம், செருப்புகளை வீசியது குறித்து விவாதிக்கப்படவுள்ளது.

நடிகர், நடிகைகள் விவகாரம் என்றால் உடனே மைக் இல்லாமலேயே மணிக்கணக்கில் பேசும் விஜய்காந்த்இதுவரை இந்த விவகாரத்தில் வாயே திறக்கவில்லை என்பது குறிப்பிடத்தக்கது.

இந்த விவகாரம் தவிர தயாரிப்பாளர்கள் சங்கம் நடிக, நடிகையருக்கு சம்பளம் உள்ளிட்ட பல்வேறுவிஷயங்களில் போட்டுள்ள நிபந்தனைகள் குறித்தும் முக்கியமாக விவாதிக்கப்படவுள்ளது.