பாகிஸ்தானில் இன்றும் 2 முறை நிலநடுக்கம்

இஸ்லாமாபாத்:

பாகிஸ்தானில் இன்று (திங்கட்கிழமை) மீண்டும் 2 முறை நிலநடுக்கம் ஏற்பட்டுள்ளது.

கடந்த 8ம் தேதி ஏற்பட்ட நிலநடுக்கத்தில் 50,000 மேற்பட்டவர் பலியாகியுள்ளனர். 2 லட்சத்துக்கும்அதிகமானவர்கள் வீடுகளை இழந்துள்ளனர்.

இந்த சோகத்தில் இருந்து மக்கள் இன்னும் மீளாத நிலையில் இன்று 2 முறை நிலநடுக்கம் ஏற்பட்டுள்ளது.

முதலில் ஏற்பட்ட நிலநடுக்கம் ரிக்டர் அளவில் 4.7 ஆகவும், 2வது ஏற்பட்ட நிலநடுக்கம் 4.5 ஆகவும்பதிவாகியுள்ளது. நிலநடுக்கத்தை தொடர்ந்து பொது மக்கள் வீடுகளில் இருந்து அலறி அடித்துக் கொண்டுவெளியே ஓடினார்கள்.

ஆனால் எந்த சேதமும் ஏற்பட்டதாக தகவலில்லை.