குஷ்புவுக்கு எதிராக கிளமிறங்கும் விஎச்பி

மும்பை:

திருமணத்துக்கு முன்பே பாதுகாப்பாக செக்ஸ் வைத்துக் கொள்வதில் தவறில்லை என்று பேசிய நடிகை குஷ்புவுக்கு எதிராகவிஸ்வ இந்து பரிஷத் களத்தில் குதிக்கிறது.

அவருக்கு எதிராக நாடு முழுவதும் போராட்டம் நடத்தப் போவதாக விஎச்பியின் மும்பை தலைவரும், அந்த அமைப்பின் உயர்மட்டக் கவுன்சிலின் உறுப்பினரான ஆனந்த் சங்கர் பாண்டியா கூறியுள்ளார்.

அவர் வெளியிட்டுள்ள அறிக்கையில்,

குஷ்புவின் பேச்சு இந்துக் கலாச்சாரத்தின் ஆணி வேரையே தாக்குவதாக உள்ளது. எல்லா மதங்களும் திருமணத்துக்கு முந்தையசெக்ஸை எதிர்க்கின்றன. ஓபன் செக்ஸ் என்ற பெயரில் இயங்கும் மேற்கத்தியக் கலாச்சாரம் அதற்கான பலனை தேவையற்றகர்ப்பம், பால்வினை நோய், எய்ட்ஸ் மூலம் அனுபவித்து வருகிறது.

முற்போக்கு என்ற பெயரில் அபத்தம் பேசியிருக்கும் குஷ்புவுக்கும் அவரைப் போன்ற கருத்தை ஆதரிப்பவர்களுக்கும்தண்டனை வழங்கப்பட வேண்டும்.

குஷ்புவை எதிர்த்து விஸ்வ இந்து பரிஷத் நாடு முழுவதும் போராட்டத்தில் குதிக்கும் என்று கூறியுள்ளார்.