திமுக பிரச்சார கேசட்டுக்கு போலீஸ் தடை!!

சென்னை:

திமுகவின் சார்பில் சட்டசபைத் தேர்தலையொட்டி தயாரிக்கப்பட்டுள்ள பிரசார கேசட்டுக்கு காவல்துறை தடை விதித்துள்ளது.

இந்தத் தடையை அகற்றக் கோரி திமுக பொதுச் செயலாளர் அன்பழகன் சென்னை உயர் நீதிமன்றத்தில் வழக்குத்தொடர்ந்துள்ளார்.

அன்பழகன் தாக்கல் செய்துள்ள மனுவில், திமுகவின் சார்பில் வெற்றிக் கொடி என்ற பெயரில் கொள்கை விளக்க பிரசாரகேசட்டுகள், சி.டிக்கள், வீடியோ கேசட்டுகள் தயாரிக்கப்பட்டுள்ளன. இவற்றை மாநிலம் முழுவதும் வினியோகிக்க திமுக முடிவுசெய்துள்ளது.

ஆனால் இவற்றை வினியோகிக்க போலீஸார் தடை விதித்துள்ளனர். இந்தத் தடையை நீக்கி பிரசார கேசட்டுகளை வெளியிடஅனுமதி அளிக்க வேண்டும் என்று கூறப்பட்டுள்ளது.