• search
For Quick Alerts
ALLOW NOTIFICATIONS  
For Daily Alerts

இலங்கை ராணுவத்துக்கு இந்தியா உதவக் கூடாது: வைகோ

By Staff
|

ஈரோடு:

இலங்கை ராணுவத்துக்கு இந்தியா உதவினால் தமிழகமும் காஷ்மீராகும் என்று மதிமுக பொதுச்செயலாளர் வைகோ கூறினார்.

ஈரோட்டில் நடைபெற்ற நிகழ்ச்சியில் சுப.வீரபாண்டியன் எழுதிய பெரியாரின் இடதுசாரி தமிழ்த் தேசியம் என்னும் நூலைவெளியிட்டு வைகோ பேசியதாவது

இந்தியா என்பது நாடல்ல. உபகண்டம். இக் கருத்தை நாடாளுமன்றத்தில் பலமுறை பேசியுள்ளேன். தேசிய மொழிகள் பட்டியலில்தமிழ் இல்லையென்றாலும் வேற்றுமையில் ஒற்றுமை என்ற கொள்கையை ஏற்றுக் கொள்கிறேன்.

அதே நேரத்தில் தமிழுக்கு ஆபத்து வந்தால் தேசிய இனத்தின் உரிமைக்காக போராட வேண்டிய சூழல் உருவாகும். மதத்தால்பாகிஸ்தானும், இனத்தால் அயர்லாந்தும், மொழியால் வங்காளதேசமும் பிரிந்தது. அப்படியொரு நிலை இந்தியாவிற்குவந்துவிடக் கூடாது.

பழங்காலத்தில் இருந்தே ஈழத்தில் தமிழர்கள் தனி இனமாக வாழ்ந்ததற்கு சான்றுள்ளது. சிங்கள மொழி பிரதானப்படுத்தப்பட்டபோது தான் தனி ஈழப் பிரச்சினை எழுந்தது. தனி ஈழம் அமைப்பது தான் இலங்கைப் பிரச்சினைக்கு ஒரே தீர்வாக இருக்க முடியும்.

இந்தியா-இலங்கை ராணுவ ஒப்பந்தம் அண்மையில் கையெழுத்தாக இருந்தபோது அதற்கு எதிராக பிரதமர், காங்கிரஸ் தலைவர்சோனியா காந்தி, பாதுகாப்பு அமைச்சர் பிரணாப் முகர்ஜியிடம் பேசினேன். அதையடுத்து ஒப்பந்தம் கைவிடப்பட்டது.

தற்போது இலங்கையின் கட்டுப்பாட்டில் இருக்கும் பலாலி விமான நிலையத்தின் ஓடுகளத்தை இந்திய உதவியுடன் சீரமைத்துவருவதாக இலங்கை விமானப்படை தளபதி கூறியுள்ளார். இந்திய அதிகாரிகள் விரைவில் பார்வையிட வர உள்ளதாகவும்கூறியுள்ளார்.

பலாலி விமான தளத்தை பயன்படுத்தி 5 லட்சம் தமிழர்களை இலங்கை ராணுவம் கொன்றது. எனவே இந்த விமான தளம்சீரமைக்கப்பட்டால் தமிழர்களுக்கு ஆபத்து ஏற்படும். தமிழ்நாட்டு தமிழர்களின் வரிப் பணத்தை பயன்படுத்தி இலங்கைத்தமிழர்கள் அழிக்கப்படுவதை ஏற்றுக் கொள்ள முடியாது.

இலங்கை ராணுவத்திற்கு ஏற்கனவே இந்தியா உதவி செய்துள்ளது. மீண்டும் இதுபோல இந்தியா அந்த நாட்டு ராணுவத்திற்குஉதவக் கூடாது. இலங்கையில் போர் மேகம் சூழ்ந்திருப்பதாக பத்திரிகை செய்திகள் வெளியாகின்றன. இலங்கைக்கு உதவிசெய்யும் முடிவு எதையும் பிரதமர் மன்மோகன் சிங் எடுக்கமாட்டார்.

ஆனால் ஒரு சில இந்திய அதிகாரிகள், இலங்கைக்கு உதவ தயாராக இருப்பதாக எனக்கு தகவல் வந்துள்ளதால், இக் கருத்துஅவர்களுக்கு எச்சரிக்கையாக இருக்கும் என்றார் வைகோ.

Mail this to a friend  Post your feedback  Print this page 

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X